ଗଞ୍ଜାମ ୨୭|୧୦: ସାନଖେମୁଣ୍ଡି ପାଟପୁର ଥାନା ଭୁଡୁକି ଗାଁ ଅଭାବନୀୟ ଘଟିଛି । ଗୁପ୍ତେଶ୍ଵର ଶିବମନ୍ଦିର ଭିତରୁ ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ମୃତକ ହେଲେ ସେହି ଗାଁର ଜ୍ବାଇଁ ପୁଅ ରାଜା ଦୋରା । ସେ ରସି ଲଗାଇ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ମନ୍ଦିର ପୂଜକ ଆଜି ସକାଳୁ ମନ୍ଦିରକୁ ପୂଜା କରିବାକୁ ଯିବା ସମୟରେ ଝୁଲନ୍ତା ମୃତଦେହ ଦେଖି ଗାଁ ଲୋକଙ୍କୁ ଜଣାଇଥିଲେ । ଗାଁ ଲୋକ ମୃତଦେହକୁ ଉଦ୍ଧାର କରି ସଂସ୍କାର କରିଥିଲେ । ତେବେ ଏ ସମ୍ପର୍କରେ ପୋଲିସକୁ ଜଣାଇ ନଥିବାରୁ ସନ୍ଦେହ ସୃଷ୍ଟି ହୋଇଛି ।