ଖୋର୍ଦ୍ଧା ୧୭|୧: ସରକାରୀ ଆବାସ ନପାଇ ଜଣେ ଯୁବକ ଆତ୍ମହତ୍ୟା କରିଛନ୍ତି । ମୃତ ଯୁବକ ଜଣକ ହେଲେ ଖୋର୍ଦ୍ଧା ଜିଲ୍ଲା ନିରାକାରପୁର ଅଂଚଳ ନନପଡାର ଲକ୍ଷ୍ମୀଧର ବେହେରା । ପୋଲିସ ତାଙ୍କ ମୃତଦେହ ନିକଟରୁ ଗୋଟିଏ ବ୍ୟାଗରୁ କିଛି ଲୁଗାପଟା ଓ ଦାନାଦାର ପ୍ୟାକେଟ୍ ଜବତ କରିଛି । ଘଟଣାରୁ ଅନୁମାନ କରାଯାଉଛି ଲକ୍ଷ୍ମୀଧର ଦାନାଦର ଖାଇ ଆତ୍ମହତ୍ୟା କରିଛନ୍ତି । ପୋଲିସ ମୃତଦେହକୁ ଖୋର୍ଦ୍ଧା ମେଡିକାଲକୁ ଆଣି ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଚଳାଇଛି ।
{"id":74972,"align":"center"}![](https://www.prameyanews7.com/wp-content/uploads/2019/01/vlcsnap-2019-01-17-15h19m17s762.jpg)
ଅନ୍ୟପଟେରେ ଲକ୍ଷ୍ମୀଧରଙ୍କର ଏକ ଭିଡ଼ିଓ ଭାଇରଲ ହୋଇଛି । ଲକ୍ଷ୍ମୀଧର ନିଜେ ଏହି ଭିଡିଓରେ କହିଛନ୍ତି ଯେ, ସରକାରୀ ଯୋଜନାରେ ଘରଟିଏ ପାଇବା ପାଇଁ ସେ ବହୁବାର ସରକାରୀ ଅଧିକାରୀଙ୍କୁ ଜଣାଇଥିଲେ ମଧ୍ୟ କିଛି ସୁଫଳ ମିଳିନଥିଲା । ବରଂ ସରକାରୀ ଅଧିକାରୀ ତାଙ୍କୁ ୨୦ହଜାର ଟଙ୍କା ଲାଞ୍ଚ ମାଗିଥିଲେ ବୋଲି ସେ ଭିଡ଼ିଓରେ ଅଭିଯୋଗ କରିଛନ୍ତି ।