ପୁରୀ ୨୧।୯: ଟ୍ୟୁଟୋରିଆଲ ଭିତରୁ ଜଣେ ଛାତ୍ରଙ୍କୁ ଘୋଷାଡି ଆଣି ଯୁବକଙ୍କ ମରଣାନ୍ତକ ଆକ୍ରମଣ । ପୁରୀ ଦତ୍ତତୋଟା ଅଞ୍ଚଳରେ ଦିନ ଦ୍ବିପ୍ରହରରେ ବିଚ୍ ରାସ୍ତାରେ ଜଣେ ଛାତ୍ରଙ୍କୁ କିଛି ଅଣଛାତ୍ର ଏଭଳି ଆକ୍ରମଣ କରିଛନ୍ତି । ଆଇନକାନୁନକୁ ବେଖାତିର କରି ଖୁଲମଖୁଲା ଆତଙ୍କରାଜ ଚଳାଇଥିଲେ କିଛି ଅଣଛାତ୍ର । ସିସିଟିଭିରେ କଏଦ ହୋଇଛି ଏହାର ଦୃଶ୍ୟ ।

ସିସିଟିଭି ଫୁଟେଜ୍‌ ଅନୁସାରେ ଗତ ୧୯ ତାରିଖ ଗଣେଶ ପୂଜା ଦିନ ପୁରୀ ଦତ୍ତତୋଟା ଅଞ୍ଚଳରେ ଥିବା ଏକ ଟ୍ୟୁଟରିଆଲ୍ ରେ ଏଭଳି ଅଭାବନୀୟ ଘଟଣା ଘଟିଥିଲା । ଏହି ଘଟଣାକୁ ନେଇ ସହରରେ ବେଶ୍ ଚର୍ଚ୍ଚା ହେଉଥିବା ବେଳେ ଏନେଇ ପୋଲିସ ପାଖରେ କୌଣସି ଅଭିଯୋଗ ହୋଇନାହିଁ । ତେବେ ଥାନାରେ ଅଭିଯୋଗ ହେଲେ ଏହାର ତଦନ୍ତ କରାଯାଇ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସିଟି ଡିଏସପି କହିଛନ୍ତି । ଆକ୍ରମଣ ସମୟର ସିସିଟିଭି ଭିଜୁଆଲ ଏବେ ସୋସିଆଲ ମିଡିଆରେ ଭାଇରାଲ୍ ହେଉଥିବା ବେଳେ ଟ୍ୟୁଟରିଆଲ୍ ଭିତରେ ପଶି ଛାତ୍ରଙ୍କୁ ଏଭଳି ଆକ୍ରମଣ କରିବା ଘଟଣାକୁ ନେଇ ଛାତ୍ରଛାତ୍ରୀ ଓ ଅଭିଭାବକଙ୍କ ମଧ୍ୟରେ ଭୟର ବାତାବରଣ ଖେଳିଯାଇଛି । ତେଣୁ ପୋଲିସ ଘଟଣାର ତଦନ୍ତ କରି ତୁରନ୍ତ ଆକ୍ରମଣକାରୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହୋଇଛି ।

You Can Read :