ଭୁବନେଶ୍ବର ୯/୯: ରାଜଧାନୀରେ ପଡୋଶୀଙ୍କୁ ବନ୍ଧୁକ ଦେଖାଇ ଆତଙ୍କ ଖେଳାଇବା ଘଟଣା । ଯୁବକକୁ ଗିରଫ କରିଛି ଲକ୍ଷ୍ମୀସାଗର ଥାନା ପୋଲିସ । ଗିରଫ ଯୁବକ ରମେଶ ବେହେରା ଓରଫ ବାବାଜୀ । ଝାରପଡା ଗାଁ ଦୋଳ ମଣ୍ଡପ ସାହିରୁ ଆସିଥିବା ଘଟଣା ଏବେ ଚିନ୍ତା ବଢାଇଛି । କେତେ ସୁରକ୍ଷିତ ରାଜଧାନୀବାସୀ ତାକୁ ନେଇ ପ୍ରଶ୍ନ ଉଠିଛି ।
ରବିବାର ଘର କାମକୁ ନେଇ ରମେଶଙ୍କର ପଡୋଶୀଙ୍କ ସହ ପାଟିତୁଣ୍ଡ ହୋଇଥିଲା । ଏଥିରେ ଉତ୍ତ୍ୟକ୍ତ ହୋଇ ରମେଶ ପଡୋଶୀଙ୍କୁ ବନ୍ଧୁକ ଦେଖାଇ ଧମକଚମକ ଦେଇଥିଲା । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏନେଇ ପଡୋଶୀ ଲକ୍ଷ୍ମୀସାଗର ଥାନାରେ ଅଭିଯୋଗ କରିବା ପରେ ପୋଲିସ ବାବାଜୀକୁ ଗିରଫ କରିଛି। ତା ନିକଟରୁ ବନ୍ଧୁକ ଜବତ କରାଯାଇଛି ।
