ବରଗଡ଼ ୧୮/୦୩: ବରଗଡ଼ ଜିଲ୍ଲା ବିଜେପୁର ଥାନା ଅନ୍ତର୍ଗତ ଖୁଣ୍ଟପାଲି ଗାଁର ଏକ କୂଅ ଭିତରୁ ଜଣେ ଯୁବତୀଙ୍କ ଉଲଗ୍ନ ମୃତଦେହ ଉଦ୍ଧାର ହୋଇଛି। ଏହି ଘଟଣା ଏବେ ସାରା ଜିଲ୍ଳାରେ ଚାଞ୍ଚଲ୍ୟ ସୃଷ୍ଟି କରିଛି। ଏଥିପାଇଁ ପୋଲିସ ଜଣେ ଯୁବକଙ୍କୁ ଅଟକ ରଖି ପଚରାଉଚୁରା କରିବା ସହ ତଦନ୍ତ ଜାରି ରଖିଛି।
wp:gallery {"linkTo":"none"}
ମୃତ ଯୁବତୀଙ୍କ ପରିଚୟ କ୍ଷିରୋଦ୍ର ଛତ୍ରିଆଙ୍କ ଝିଅ ପଦ୍ମିନୀ (୨୫)। ସେ ବିଜେପୁର ଥାନା ଅନ୍ତର୍ଗତ ସାଇପାଲି ଗାଁର ବାସିନ୍ଦା। ଖବର ଅନୁସାରେ, ଗତ ୧୫ ତାରିଖରୁ ସେ ନିଖୋଜ ଥିଲେ। ଏନେଇ ପରିବାରବର୍ଗ ୧୬ ତାରିଖରେ ବିଜେପୁର ଥାନାରେ ଲିଖିତ ଏତଲା ଦେଇଥିଲେ। ଅଭିଯୋଗ ଆଧାରରେ ପୋଲିସ ତଦନ୍ତ ଜାରି ରଖିଥିବା ବେଳେ ସେହି ଗାଁର ଚନ୍ଦ୍ରଶେଖର ସେଠ ନାମକ ଜଣେ ଯୁବକକୁ ସନ୍ଦେହରେ ପଚରାଉଚରା କରିଥିଲା।
wp:gallery {"linkTo":"none"}
ତେବେ ଚନ୍ଦ୍ରଶେଖର ପଦ୍ମିନୀର ତଣ୍ଟି ଚିପି ହତ୍ୟା କରିବା ପରେ ମୃତଦେହ ଖୁଣ୍ଟପାଲି ଗାଁର ଏକ କୂଅରେ ପିଙ୍ଗି ଦେଇଥିବା ପୋଲିସ ଜାଣିବାକୁ ପାଇଥିଲା। ଯାହାକୁ ନେଇ ଶନିବାର ବିଜେପୁର ପୋଲିସ, ସାଇଣ୍ଟିଫିକ ଟିମ ଏବଂ ସନ୍ଧାନୀ କୁକୁର ଦ୍ୱାରା ତଦନ୍ତ କରିଥିଲା। ପରେ ଅଗ୍ନିଶମ କର୍ମଚାରୀଙ୍କ ସହାୟତାରେ କୂଅ ଭିତରରୁ ମୃତଦେହ ଉଦ୍ଧାର ହୋଇଥିଲା।
wp:gallery {"linkTo":"none"}
ତେବେ ମୃତଦେହ ସଂପୂର୍ଣ୍ଣ ଉଲଗ୍ନ ଅବସ୍ଥାରେ ଥିବା ଦେଖିବାକୁ ମିଳିଥିଲା। ମୃତ ଯୁବତୀଙ୍କର ଅନ୍ୟତ୍ର ବିବାହ ପ୍ରସ୍ତାବ ଠିକ୍ ହୋଇଥିବା ବେଳେ ପ୍ରେମିକ ଚନ୍ଦ୍ରଶେଖର ତାକୁ ଡାକି ହତ୍ୟା କରିଥିବା ପୋଲିସ ସୂତ୍ରରୁ ଜଣାପଡିଛି। ଏନେଇ ବିଜେପୁର ପୋଲିସ ଅଭିଯୋଗ ନମ୍ବର ୫୯ ମୂଳେ ମାମଲା ରୁଜୁ କରି ତଦନ୍ତ କରୁଛି ।
