ସୋନପୁର ୧୮/୦୨: ସାମାନ୍ୟ କଥାରେ ଯୁବକଙ୍କୁ ହତ୍ୟା। ଏପରି ଅଘଟଣ ସୁବର୍ଣ୍ଣପୁର ଜିଲ୍ଲା ସୁବଳୟା ଥାନା କମିରା ଗାଁରେ ଘଟିଛି। ସରକାରୀ ଜମିରେ ପୋଖରୀ ଖୋଳାକୁ ନେଇ ଏହି ହତ୍ୟାକାଣ୍ଡ ହୋଇଛି। ମୃତକଙ୍କ ନାଁ ପ୍ରକାଶ ବିଶ୍ୱାଳ।

ଖବର ଅନୁସାରେ, ମୃତ ଯୁବକଙ୍କୁ ନିର୍ମମ ଭାବେ ଠେଙ୍ଗା ମାଡ଼ ସହ କାଠ ଗଣ୍ଡିରେ ଛେଚି ଅଭିଯୁକ୍ତମାନେ ହତ୍ୟା କରିଛନ୍ତି। ସରକାରୀ ଜମିରେ ପୋଖରୀ ଖୋଳିବାରୁ ନେଇ ଗାଁର ଶିବ ପ୍ରଧାନ ଓ ପ୍ରଧାନଙ୍କ ସହ ପ୍ରକାଶଙ୍କ ବଚସା ହୋଇଥିଲା। ଏଥିରେ ଉତ୍ୟକ୍ତ ହୋଇ ଶିବ ଓ ଦୁଃଶାସନ ପ୍ରକାଶଙ୍କୁ ଶାବଳରେ ଚାପି କାଠ ଗଣ୍ଡିରେ ଛେଚି ହତ୍ୟା କରଛନ୍ତି। ଏହା ଜାଣି ବିରମହାରାଜପୁର ଏସଡିପିଓଙ୍କ ନେତୃତ୍ୱରେ ସୁବଳୟା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଅନ୍ୟପଟେ ପୋଲିସ ଶିବ ଓ ଦୁଃଶାସନଙ୍କୁ ଅଟକ ରଖି ପଚରା ଉଚୁରା କରୁଛି।