ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: କୋର୍ଟରେ ଜଜ୍‌ଙ୍କୁ ଛୁରାମାଡ ଉଦ୍ୟମ, କାବୁ କଲା ପୋଲିସ
  • ||
  • ଭୁବନେଶ୍ୱର: ICMRର ପରାମର୍ଶ, ସାମାନ୍ୟ ଜ୍ୱର ହେଲେ ଖାଅନି ଆଣ୍ଟିବାୟୋଟିକ୍
  • ||
  • ଶିକ୍ଷକ ନିଯୁକ୍ତି ପ୍ରସଙ୍ଗରେ ଗୃହରେ ହଙ୍ଗାମା, ଗୃହ ମୁଲତବୀ କଲେ ବାଚସ୍ପତି
  • ||
  • ପଦ୍ମପୁରରେ କେନ୍ଦ୍ରୀୟ ଟିମ୍‌ର ରେଡ୍, ୩ ବ୍ୟବସାୟୀଙ୍କ ଘରେ ଚଢାଉ
  • ||

ଅଶୋଧିତ ତୈଳ ଦର ହ୍ରାସ, ଶୀଘ୍ର ଲିଟର ପ୍ରତି ୫୦ ଟଙ୍କାରେ ବିକ୍ରି ହେବ ପେଟ୍ରୋଲ !

9/03/2020 at 3:07 PM

ନୂଆଦିଲ୍ଲୀ ୦୯।୦୩- ଅଶୋଧିତ ତୈଳ ଦରକୁ ନେଇ ସାଉଦି ଆରବ ଓ ରୁଷ ମଧ୍ୟରେ ଚାଲିଥିବା ଦର ଲଢେଇ କାରଣରୁ ଆପଣଙ୍କୁ ମୋଟା ଅଙ୍କର ଫାଇଦା ହୋଇପାରେ। ଅନ୍ୟ କାମରେ ଖର୍ଚ୍ଚ ଲାଗି ଆପଣଙ୍କ ପାଖରେ ଅର୍ଥ ସଞ୍ଚୟ ହୋଇପାରେ, କାରଣ ଆପଣଙ୍କୁ ଶୀଘ୍ର ୫୦ ଟଙ୍କାରେ ପେଟ୍ରୋଲ ମିଳିପାରେ। ଅନ୍ତରାଷ୍ଟ୍ରୀୟ  ବଜାରରେ ଅଶୋଧିତ ତୈଳ ଦର ହ୍ରାସ କାରଣରୁ ସରକାରଙ୍କ ଆମଦାନୀ ଶୁଳ୍କ ହ୍ରାସ ପାଇବ ଏବଂ ସରକାରଙ୍କୁ ଶସ୍ତାରେ ଅଶୋଧିତ ତୈଳ ମିଳିବ। ଯାହା ଫଳରେ ଭାରତୀୟ ବଜାରରେ ପେଟ୍ରୋଲ ଓ ଡିଜେଲ୍ ଶସ୍ତାରେ ମିଳିପାରେ।

୩୧ ପ୍ରତିଶତ ହ୍ରାସ ହେଲା ଅଶୋଧିତ ତୈଳ ଦର

ଅନ୍ତରାଷ୍ଟ୍ରୀୟ ବଜାରରେ ଅଶୋଧିତ ତୈଳ ଦର ଆଜି ୩୧ ପ୍ରତିଶତ ହ୍ରାସ ପାଇଛି। ଏହି କାରଣରୁ ସାଉଦି ଆରବ ଦ୍ଵାରା ତୈଳ ଦରରେ ହ୍ରାସ  ହେବାର ଥିଲା। ସାଉଦି ମଧ୍ୟ ରୁଷଠୁ ପ୍ରତିଶୋଧ ନେଇ ଦର ହ୍ରାସ କରିଛି କାରଣ ରୁଷ ତୈଳ ଉତ୍ପାଦନ ହ୍ରାସ କରିବା ନେଇ ସାଉଦି ଆରବର ପ୍ରସ୍ତାବକୁ ମାନି ନାହିଁ। ଫଳସ୍ଵରୂପ ସାଉଦି ଆରବ ଓ ରୁଷ ମଧ୍ୟରେ ଦର ଲଢେଇ ଆରମ୍ଭ ହୋଇ ଯାଇଛି। ଏଥିରେ ଭାରତକୁ ଶୀଘ୍ର ଫାଇଦା ମିଳିବାକୁ ଯାଉଛି। ଯଦି ୩୦ ପ୍ରତିଶତ ହ୍ରାସ ଦୃଷ୍ଟିରେ ଦେଖାଯାଏ ତେବେ ହ୍ରାସ ପାଇବାକୁ ଥିବା ଆମଦାନୀ ଶୁଳ୍କର ଫାଇଦା ଗ୍ରାହକଙ୍କ ପର୍ଯ୍ୟନ୍ତ ପହଞ୍ଚିବ ଏବଂ ଘରୋଇ ବଜାରରେ  ପେଟ୍ରୋଲ ଲିଟର ପିଛା ୫୦ ଟଙ୍କାରେ  ପହଞ୍ଚିପାରେ। ଆଜି ସମଗ୍ର ଦେଶରେ ପେଟ୍ରୋଲ ଲିଟର ପିଛା ୭୦ ଟଙ୍କାରେ ବିକ୍ରି ହେଉଛି।

ଭରାତର କ୍ରୁଡ୍ ବାସ୍କେଟ ଦର ସଂପ୍ରତି ବ୍ୟାରେଲ ପ୍ରତି ୪୭.୯୨ ଡଲାର ରହିଛି। ଗୋଟିଏ ବ୍ୟାରେଲ ୪୨ ୟୁଏସ ଗ୍ୟାଲେନ ବରାବର ହୋଇଥାଏ କିମ୍ବା ୧୫୯ ଲିଟର ତୈଳ ସହ ସମାନ ହୋଇଥାଏ। ଅର୍ଥାତ ଭାରତକୁ ବର୍ତ୍ତମାନ ଦର ହିସାବରେ ଗୋଟିଏ କ୍ରୁଡ ବାସ୍କେଟ୍ ଲାଗି ୩୫୩୦.୦୯ ଟଙ୍କା ଖର୍ଚ୍ଚ କରିବାକୁ ପଡିଥାଏ। ଏମିତିରେ ଯଦି ଅଶୋଧିତ ତୈଳ ଦର ୩୦ ପ୍ରତିଶତ ହ୍ରାସ ପାଏ ତେବେ କ୍ରୁଡ୍ ବାସ୍କେଟ୍ ମଧ୍ୟ ଶୀଘ୍ର ୩୦ ପ୍ରତିଶତ ପର୍ଯ୍ୟନ୍ତ ଶସ୍ତା ହେବାର ସମ୍ଭାବନା ରହିଛି। ଯଦି ଏମିତି ହୁଏ ତେବେ ଭାରତୀୟଙ୍କୁ ଲିଟର ପିଛା ୫୦ ଟଙ୍କାରେ ପେଟ୍ରୋଲ ମିଳିପାରେ।

ଉଲ୍ଲେଖୀୟ ଦିଲ୍ଲୀରେ ଆଜି ପେଟ୍ରୋଲ ୨୪ ପଇସା ହ୍ରାସ ଘଟି ଲିଟର ପିଛା ୭୦.୫୯ ଟଙ୍କା ଓ ଡିଜେଲ୍ ୨୫ ପଇସା ତଳକୁ ଖସି ୬୩.୨୬ ଟଙ୍କାରେ ବିକ୍ରି ହେଉଛି। ସେହି ପରି ମୁମ୍ବାଇରେ ୨୪ ପଇସା ହ୍ରାସ ସହିତ ପେଟ୍ରୋଲ ୭୬.୨୯ ଏବଂ ଡିଜେଲ୍ ୨୬ ପଇସା  ହ୍ରାସ ଘଟି ଲିଟର ପ୍ରତି ୬୬.୨୪ ଟଙ୍କାରେ ରହିଛି।

   Related Posts