ନୂଆଦିଲ୍ଲୀ: ମିଳିତ ଜାତିସଂଘ ଅନୁସାରେ ୟେମେନ ଗୃହ ଯୁଦ୍ଧରେ ୧୧ ହଜାରରୁ ଅଧିକ ଶିଶୁ ମୃତ କିମ୍ୱା ଆହତ ହୋଇଛନ୍ତି । ସଂସ୍ଥା ଅନୁସାରେ ଯୁଦ୍ଧ ଏବଂ ଏହାର ପ୍ରଭାବ ଯୋଗୁଁ ପିଲାଙ୍କ ମୃତ୍ୟୁ ହୋଇଛି । ୟେମେନରେ ଜାରି ଥିବା ଗୃହ ଯୁଦ୍ଧରେ ଗତ ୮ ବର୍ଷରେ ୧୦ ହଜାରରୁ ଅଧିକ ପିଲା ମୃତାହତ ହୋଇଛନ୍ତି । ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ମୋଟ ୩ କୋଟି ଜନସଂଖ୍ୟା ଥିବା ୟେମେନରେ ୨୨ ଲକ୍ଷ ଶିଶୁ କୁପୋଷଣର ଶିକାର ଅଛନ୍ତି । ଏଥରେ ଏକ ଚତୁର୍ଥାଂଶଙ୍କ ବୟସ ପାଞ୍ଚ ବର୍ଷରୁ ବି କମ ରହିଛି ।
ପିଲାଙ୍କ ପାଇଁ କାମ କରୁଥିବା ଜାତିସଂଘର ଏଜେନ୍ସି ୟୁନିସେଫ କହିଛି ଯେ ଯୁଦ୍ଧ ଯୋଗୁଁ ହୋଇଥିବା ମୃତ୍ୟୁର ପ୍ରକୃତ ସଂଖ୍ୟା ଏହାଠାରୁ ବହୁ ଅଧିକ ହୋଇପାରେ ।
ୟେମେନୟମନରେ ୨୦୧୪ରେ ଗୃହ ଯୁଦ୍ଧ ଆରମ୍ଭ ହୋଇଥିଲା । ସେତେବେଳେ ଇରାନ ସମର୍ଥିତ ହୁତି ବିଦ୍ରୋହୀ ୟେମେନର ରାଜଧାନୀରେ ସେନା ଉପରେ କବଜା କରିଥିଲେ । ଏହାପରେ ସାଉଦି ଆରବ ସମର୍ଥିତ ସେନା ସହ ଏହାର ଯୁଦ୍ଧ ଜାରି ରହିଛି ।
ରିପୋର୍ଟ ଅନୁସାରେ ୨୦୧୫ ମାର୍ଚ୍ଚରୁ ୨୦୨୨ ସେପ୍ଟେମ୍ୱର ମଧ୍ୟରେ ୩,୭୭୪ ଶିଶୁଙ୍କ ମୃତ୍ୟୁ ହୋଇଛି । ଯୁଦ୍ଧ ଆରମ୍ଭ ହେବା ପରେ ଶିଶୁ ଏବଂ ଏଠାକାର ସ୍ଥାନୀୟ ଲୋକଙ୍କ ଅସୁବିଧାକୁ ନଜରରେ ରଖି ଅନେକ ଥର ଶାନ୍ତି ପ୍ରୟାସ କରାଯାଇଥିଲା, କିନ୍ତୁ କିଛି ସୁଫଳ ମିଳି ନାହିଁ ।
