ନୂଆଦିଲ୍ଲୀ ୨୬/୦୮ : ଯଦି ଆପଣ ୟାହୁର ୟୁଜର୍ସ, ତେବେ ଏହି ଖବର ଆପଣଙ୍କ ମନ ଖରାପ କରିପାରେ । କାହିଁକି ନା , ୟାହୁ ଭାରତରେ ଏହାର ନ୍ୟୁଜ୍ ୱେବସାଇଟ୍ ସହିତ ଅନେକ ଫିଚର୍ସକୁ ବନ୍ଦ କରିଦେଇଛି । ଏହାର କାରଣ ହେଉଛି, ନୂତନ ବିଦେଶୀ ପ୍ରତ୍ୟକ୍ଷ ପୁଞ୍ଜି ବିନିଯୋଗ (FDI) ନିୟମରେ, ଭାରତରେ ଡିଜିଟାଲ୍ ବିଷୟବସ୍ତୁ ପରିଚାଳନା ଏବଂ ପ୍ରକାଶନ କରୁଥିବା ମିଡିଆ କମ୍ପାନୀଗୁଡିକର ବିଦେଶୀ ମାଲିକାନାକୁ ସୀମିତ କରେ । ତେବେ ୟାହୁ ଭାରତରେ ବନ୍ଦ କରିଥିବା ୱେବସାଇଟ୍ ଗୁଡିକରେ ୟାହୁ ନ୍ୟୁଜ୍, ୟାହୁ କ୍ରିକେଟ୍, ୟାହୁ ଫାଇନାନ୍ସ, ଏଣ୍ଟରଟେନମେଣ୍ଟ ଏବଂ ମେକର୍ସ ଇଣ୍ଡିଆ ଏହି ତାଲିକାରେ ଅନ୍ତର୍ଭୁକ୍ତ । ତେବେ, ୟାହୁର ଭାରତୀୟ ୟୁଜର୍ସମାନେ ଏହାର ଇ-ମେଲ ଏବଂ ସର୍ଚ୍ଚ ଇଞ୍ଜିନ ବ୍ୟବହାର କରିପାରିବେ ।

ଏକ ନୋଟିସ ଦ୍ବାରା ୟାହୁ ୱେବସାଇଟ୍ କହିଛି ଯେ ୟାହୁ ଇଣ୍ଡିଆ ୨୬ ଅଗଷ୍ଟରୁ କଣ୍ଟେନ୍ଟ ପ୍ରକାଶ କରିବ ନାହିଁ। ୟାହୁରେ ଥିବା ଆପଣଙ୍କର ଆକାଉଣ୍ଟ୍, ମେଲ୍ ଏବଂ ସର୍ଚ୍ଚ ଇଞ୍ଜିନ୍ ଏହି କାରଣରୁ କୌଣସି ପ୍ରକାରରେ ପ୍ରଭାବିତ ହେବ ନାହିଁ ଏବଂ ପୂର୍ବ ପରି ଏହା ମଧ୍ୟ କାର୍ଯ୍ୟ କରିବ । ଆପଣଙ୍କ ସହଯୋଗ ଏବଂ ସମର୍ଥନ ପାଇଁ ଆମେ ଆପଣଙ୍କୁ ଧନ୍ୟବାଦ ଦେଉଛୁ । ୨୦୧୭ରେ, ୟାହୁ ଆମେରିକୀୟ ଟେକ୍ନୋଲୋଜି କମ୍ପାନୀ ଭେରିଜନ୍ ଦ୍ୱାରା ଅଧିଗ୍ରହଣ କରାଯାଇଥିଲା ।

ଏନେଇ ୟାହୁ ସ୍ପଷ୍ଟ କରିଛି ଯେ ସେମାନଙ୍କର ନିଷ୍ପତ୍ତି ଏଠାରେ ଭାବିଲି ନିଆଯାଇଛି । କମ୍ପାନୀ ୨୬ ଅଗଷ୍ଟରୁ ଭାରତରେ କଣ୍ଟେନ୍ଟ ପ୍ରକାଶନ ବନ୍ଦ କରିଦେଇଛି ଏବଂ ଦେଶରେ ୟାହୁ ବିଷୟବସ୍ତୁ କାର୍ଯ୍ୟକୁ ମଧ୍ୟ ବନ୍ଦ କରିଦେଇଛି । ନୋଟିସରେ ଏହା ୟାହୁଙ୍କ ତରଫରୁ କୁହାଯାଇଛି, ଆମେ ଏହି ନିଷ୍ପତ୍ତି ଭାବି ଚିନ୍ତି ନେଇ ନେଇଛୁ । ୟାହୁ ଇଣ୍ଡିଆ ଭାରତର ନିୟାମକ ଆଇନର ପ୍ରଭାବରେ ପଡିଛି, ହେଲେ ଦୀର୍ଘ ଦିନ ଧରି ୟାହୁ ଭାରତ ସହିତ ଜଡିତ ଅଛି ।

ଏହା ସହ ୟାହୁ ଆହୁରି କହିଛି କି କାରଣ ଆମର କ୍ରିକେଟ୍ ନ୍ୟୁଜ୍ ଅନ୍ତର୍ଭୁକ୍ତ ଅଛି ।  ଏହା ନୂଆ ଏଫଡିଆଇ ନିୟମ ଦ୍ୱାରା ପ୍ରଭାବିତ ହୋଇଥିଲା, ଯାହା ମିଡିଆ କମ୍ପାନୀଗୁଡିକରେ ବିଦେଶୀ ମାଲିକାନାକୁ ସୀମିତ କରିଥାଏ । ଯାହାକି ଭାରତରେ ଖବର ଏବଂ ସାମ୍ପ୍ରତିକ କାର୍ଯ୍ୟରେ ଡିଜିଟାଲ ବିଷୟବସ୍ତୁ ପ୍ରକାଶ କରିଥାଏ। କିନ୍ତୁ ୟାହୁର ଭାରତରେ ଲକ୍ଷ ଲକ୍ଷ ୟୁଜର୍ସ ଅଛନ୍ତି ।