ନୂଆଦିଲ୍ଲୀ : ଯୁଦ୍ଧ ପାଇଁ ପ୍ରସ୍ତୁତ ହେଉଛି ଚୀନ୍ ! ଭାରତ ସହିତ ଯୁଦ୍ଧ କରିବା ନେଇ ଷଡ଼ଯନ୍ତ୍ର ରଚୁଛି ଡ୍ରାଗନ୍ । ପୂର୍ବ ଲଦାଖ ସୀମାରେ ନିୟୋଜିତ ଥିବା ଚୀନ୍ ସେନାଙ୍କୁ ପ୍ରସ୍ତୁତ ରହିବାକୁ ରାଷ୍ଟ୍ରପତି ସି ଜିନପିଙ୍ଗ କହିଛନ୍ତି । ଭିଡିଓ କନଫରେନ୍ସିଂ ମାଧ୍ୟମରେ ଯବାନଙ୍କ ସହିତ କଥାବାର୍ତ୍ତା ହେବା ସହିତ ଯୁଦ୍ଧର ଆଭାସ ଦେଇଛନ୍ତି ।
ଅଧିକାରୀ ମିଡିଆ ରିପୋର୍ଟ ମୁତାବକ, ଶୁକ୍ରବାର ଚୀନ୍ ରାଷ୍ଟ୍ରପତି ସି ଜିନପିଙ୍ଗ ପିଏଲଏ ମୁଖ୍ୟାଳୟରୁ ପୂର୍ବ ଲଦାଖର ଖଞ୍ଜରାବ ସୀମାରେ ନିୟୋଜିତ ଥିବା ଯବାନମାନଙ୍କୁ ସମ୍ବୋଦ୍ଧିତ କରିଥିଲେ । ଜିନପିଙ୍ଗ ଏବେ କମୁନିଷ୍ଟ ପାର୍ଟିର ମହାସଚିବ ସହିତ ପିପୁଲ ଲିବରେସନ ଆର୍ମିର ମୁଖ୍ୟ ଅଛନ୍ତି ।
ଭାରତ-ଚୀନ୍ ମଧ୍ୟରେ ଲାଗି ରହିଥିବା ସୀମା ବିବାଦ ଭିତରେ ଜିନପିଙ୍ଗ ସେନାର ଯୁଦ୍ଧ ପ୍ରସ୍ତୁତି ପଚାରି ବୁଝିଛନ୍ତି । ୨୪ ଘଣ୍ଟା ସୀମାକୁ ସୁରକ୍ଷା ଦେଉଛନ୍ତି ଜଣେ ଯବାନ କହିଥିଲେ । ସେହିପରି ଦୁର୍ଗମ ଅଞ୍ଚଳରେ ସେମାନଙ୍କୁ ସମସ୍ତ ସାମଗ୍ରୀ ଠିକ୍ଠାକ୍ ମିଳୁଛି କି ନାହିଁ ପଚାରିଥିଲେ ଚୀନ୍ ରାଷ୍ଟ୍ରପତି।
wp:html/wp:html🚨Report: (English subtitle)
— OsintTV📺 (@OsintTV) January 20, 2023
Xi inspects troop readiness at LAC
From Beijing PLA head quarter Xi Jinping held a video conversation with the soldiers stationed along the India-China border in eastern Ladakh under the Xinjiang Military Command & inspected their combat readiness pic.twitter.com/Ev7MbUKIb4
ପୂର୍ବ ଲଦାଖର ପେଙ୍ଗଙ୍ଗ ସୋ ନିକଟରେ ୨୦୨୦ରେ ଭାରତ ଓ ଚୀନ ସେନା ମଧ୍ୟରେ ସଂଘର୍ଷ ହୋଇଥିଲା । ଏହା ପରେ ଉଭୟ ସେନା ମଧ୍ଯରେ ଗତିରୋଧ ଆରମ୍ଭ ହୋଇଯାଇଛି । ସୀମାରେ ଉତ୍ତେଜନାକୁ ହ୍ରାସ କରିବାକୁ ଉଭୟ ଦେଶର ସେନା ଅଧିକାରୀଙ୍କ ମଧ୍ୟରେ ଉଚ୍ଚସ୍ତରୀୟ ବୈଠକ ହୋଇଛି । ଉଭୟ ସେନା ପେଙ୍ଗଙ୍ଗ ସୋ ନିକଟରୁ କିଛି ବାଟ ପଛରୁ ହଟିଛନ୍ତି । ହେଲେ ୧୭ଥର ବୈଠକ ପରେ ମଧ୍ୟ ବାକି ସମସ୍ୟା ସମାଧାନରେ କୌଣସି ପ୍ରଗତି ହୋଇନାହିଁ ।