ବେଜିଂ ୧୦।୦୩ ; ତୃତୀୟ ଥର ପାଇଁ ଚୀନର ରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି ସି ଜିନପିଙ୍ଗ । ୧୪ତମ ନ୍ୟାସନାଲ ପିପୁଲ୍ସ କଂଗ୍ରେସର ବୈଠକରେ କେନ୍ଦ୍ରୀୟ ସୈନ୍ୟ ଆୟୋଗର ଅଧ୍ୟକ୍ଷ ନିର୍ବାଚିତ କରାଯାଇଛି । ତୃତୀୟ ପଞ୍ଚବର୍ଷୀୟ କାର୍ଯ୍ୟକାଳକୁ ୧୦ ମାର୍ଚ୍ଚ ୨୦୨୩ରେ ଯାଏଁ ଦିଆଯାଇଥିଲା । ୬୯ ବର୍ଷୀୟ ଜିନପିଙ୍ଗ ଆଧୁନିକ ଚାଇନାର ସବୁଠାରୁ ଲମ୍ବା ଶାସନ କରୁଥିବା ରାଷ୍ଟ୍ରମୁଖ୍ୟ ହେବେ । ମାଓ ସେତୁଙ୍ଗଙ୍କ ପରେ ସେ ଦ୍ବିତୀୟ ନେତା, ଯିଏକି ଲଗାତାର ତୃତୀୟ କାର୍ଯ୍ୟାକାଳ ସମ୍ଭାଳିବେ ।
ସି ଜିନପିଙ୍ଗ ତୃତୀୟ ଥର ରାଷ୍ଟ୍ରପତି ଭାବରେ ନିର୍ବାଚିତ ହେବା ପରେ ଚୀନ କମ୍ୟୁନିଷ୍ଟ ପାର୍ଟିର ଚାରି ଦଶନ୍ଧିର ପୁରୁଣା ନିୟମ ଭାଙ୍ଗିଛି । ୧୯୮୨ ମସିହାରୁ ରାଷ୍ଟ୍ରପତି ପଦର କାର୍ଯ୍ୟକାଳ ୧୦ ବର୍ଷ ରହିଥିଲା । ସିଙ୍କୁ ତୃତୀୟ ଥର ପଦ ଦିଆଯିବା ପରେ ଭାଙ୍ଗିଛି ଏହି ନିୟମ ।
ଖବର ଅନୁଯାୟୀ ମାର୍ଚ୍ଚ ୫ରେ ନ୍ୟାସନାଲ ପିପୁଲ୍ସ କଂଗ୍ରେସର ବୈଠକ ଆରମ୍ଭ ହୋଇଥିଲା । ଏହି ସପ୍ତାହବ୍ୟାପୀ ବୈଠକରେ ଜିନପିଙ୍ଗଙ୍କର ଅନେକ ନୀତି ଉପରେ ଉଠିଥିଲା ପ୍ରଶ୍ନ । ବିଶେଷକରି ଜିରୋ କୋଭିଡ୍ ନୀତି ଉପରେ ପ୍ରଶ୍ନ ଉଠିଥିବା ବେଳେ ସମସ୍ତ ଅଭିଯୋଗକୁ ଦୂର କରିବାରେ ସଫଳ ହୋଇଥିଲେ ଜିନପିଙ୍ଗ୍। ସି ଜିନପିଙ୍ଗ ଏହି ଗୁରୁତ୍ୱପୂର୍ଣ୍ଣ ଦାୟିତ୍ବ ଆସନ୍ତା ୫ବର୍ଷ ପାଇଁ ତୁଲାଇବେ । ତାଙ୍କ ପାଇଁ ଦେଶ ତଥା ବିଦେଶରେ ରହିଛି ଅନେକ ଚ୍ୟାଲେଞ୍ଜ ।
