ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠମଲ୍ଲିକ: ଦନ୍ତା ହାତୀର ମୃତଦେହ ଠାବ, ଶରୀରରେ ରହିଛି ଅନେକ କ୍ଷତଚିହ୍ନ
  • ||
  • ସମ୍ୱଲପୁର: ଜଳିଗଲା ଘରୋଇ ବସ୍ ନାଗରାଜ୍, ଅଳ୍ପକେ ବର୍ତ୍ତିଗଲେ କଣ୍ଡକ୍ଟର
  • ||
  • ବୌଦ୍ଧ: ନାଳରୁ ବ୍ୟାଙ୍କ୍ କର୍ମଚାରୀଙ୍କ ମୃତଦେହ ଉଦ୍ଧାର, ପାଖରେ ପଡିଛି ବାଇକ ଓ ମଦବୋତଲ
  • ||
  • ଭୁବନେଶ୍ୱର: ବରିଷ୍ଠ ଅଭିନେତ୍ରୀଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ
  • ||
  • ଭଦ୍ରକ: ଭୟାବହ ଅଗ୍ନିକାଣ୍ଡରେ ଜଳିଗଲା ୧୫ ବଖରା, ୨ ଗୋ-ମାତା ଜୀବନ୍ତ ଦଗ୍ଧ
  • ||
  • କଟକ: ବରିଷ୍ଠ ଅଭିନେତ୍ରୀ ଝରଣା ଦାସଙ୍କ ପରଲୋକ, ୮୨ ବର୍ଷ ବୟସରେ ଦେହାନ୍ତ
  • ||

“ପିଏଙ୍କ ମୃତ୍ୟୁ ପାଇଁ ଜିଲ୍ଲାପାଳ ଦାୟୀ”- ମାଲକାନଗିରିରେ ସରକାରୀ ଅଫିସ୍ ପାଚେରୀରେ ଲେଖାକୁ ନେଇ ହଇଚଇ

1/01/2020 at 10:17 AM

ମାଲକାନଗିରି ୧।୧: ମାଲକାନଗିରି ଜିଲ୍ଲାପାଳଙ୍କ ସରକାରୀ କାର୍ଯ୍ୟାଳୟ ପାଚେରୀରେ ଲେଖାଯାଇଛି ଅପ୍ରୀତିକର କଥା । କେହି ଦୁର୍ବୃତ୍ତ ପିଏ ଦେବ ନାରାୟଣ ପଣ୍ଡାଙ୍କ ଆତ୍ମହତ୍ୟାକୁ ନେଇ ଏପରି ଲେଖିଥିବା ସନ୍ଦେହ କରାଯାଉଛି । ପିଏ ଦେବ ନାରାୟଣ ପଣ୍ଡାଙ୍କ ମୃତ୍ୟୁ ପାଇଁ ଜିଲ୍ଲାପାଳ ମନୀଷ ଅଗ୍ରୱାଲ ଦାୟୀ ବୋଲି କାନ୍ଥରେ ଲେଖାଯାଇଛି ।

ଏହାସହ ଲେଖାଯାଇଛି, Corrupt Collector, Collector killed Panda, Collector killed PA, Why you do this to innocent, Shame on you, Manish Chor hey । ହେଲେ ନୂଆବର୍ଷରେ କିଏ ଓ କାହିଁକି ଏପରି ଲେଖିଛନ୍ତି ତାହା ଜଣାପଡିନାହିଁ । ମାଲକାନଗିରି ପୋଲିସ ଘଟଣାର ତଦନ୍ତ ଆରମ୍ଭ କରିଛି ।

ସୂଚନାଯୋଗ୍ୟ ଯେ, ମାଲକାନଗିରିଜିଲ୍ଲାପାଳଙ୍କ ପିଏ ଦେବ ନାରାୟଣ ପଣ୍ଡାଙ୍କ ମୃତଦେହ ସନ୍ଦେହଜନକ ଅବସ୍ଥାରେ ସହର ଉପକଣ୍ଠ ସତୀଗୁଡା ଡ୍ୟାମ୍‌ରୁ ଉଦ୍ଧାର ହୋଇଥିଲା । ଗତ ଶୁକ୍ରବାରଠାରୁ ଦେବ ନାରାୟଣ ନିଖୋଜ ଥିବାବେଳେ ଏନେଇ ପରିବାର ପକ୍ଷରୁ ମାଲକାନଗିରି ଥାନାରେ ଅଭିଯୋଗ ହୋଇଥିଲା। ସକାଳେ ଅଫିସ ଯାଇଥିଲେ । ମଧ୍ୟାହ୍ନରେ ଖାଇବାକୁ ଘରକୁ ଆସିଲେ । ତା’ ପରେ ଅଫିସ୍‌ ଯାଇ ଆଉ ଫେରିନଥିଲେ ଦେବ ନାରାୟଣ । ଶନିବାର ସକାଳେ ଡ୍ୟାମ୍‌ ପାଖରେ ଦେବ ନାରାୟଣଙ୍କ ମୋଟର ସାଇକେଲ ଓ ହେଲମେଟ୍‌ ପଡିଥିବାର ଦେଖିବାକୁ ମିଳିଥିଲା । ତେବେ ସେ କିଛି ଦିନ ହେଲା ମାନସିକ ଚାପରେ ଥିବା ପରିବାର ଲୋକ କହିଥିଲେ ।

ସେପଟେ ଅଫିସ୍‌ କାମକୁ ନେଇ କିଛି ଦିନ ହେଲା ଦେବ ନାରାୟଣ ଚାପରେ ଥିବା ପରିବାର ଲୋକେ ଅଭିଯୋଗ କରିଥିଲେ । ଜିଲ୍ଲାପାଳଙ୍କ ବିନା ଅନୁମତିରେ ଅଫିସ ଗାଡି ନେଇଥିବାରୁ ତାଙ୍କୁ ସୋ-କଜ୍‌ ମଗାଯାଇଥିବା ଜଣାପଡିଥିଲା । ତେବେ ଦେବ ନାରାୟଣ ବେଶ୍‌ ଶାନ୍ତ ସ୍ବଭାବର ହୋଇଥିବାରୁ ସେ କେବେ ଆତ୍ମହତ୍ୟା କରିନଥାଇପାରନ୍ତି ବୋଲି ସହକର୍ମୀ ଅନୁମାନ କରୁଥିଲେ ।

   Related Posts