ନୂଆଦିଲ୍ଲୀ: ମହିଳା କୁସ୍ତିଯୋଦ୍ଧା ଯୌନ ଶୋଷଣ ମାମଲାରେ ଆଲୋଚନା କରିବାକୁ କେନ୍ଦ୍ର ସରକାର ପ୍ରସ୍ତୁତ । କେନ୍ଦ୍ର କ୍ରୀଡ଼ାମନ୍ତ୍ରୀ ଅନୁରାଗ ଠାକୁର ଟ୍ବିଟ୍ କରି ଆମନ୍ତ୍ରଣ କରିଛନ୍ତି । କୁସ୍ତିଯୋଦ୍ଧାଙ୍କ ଅଭିଯୋଗ ଉପରେ ଚର୍ଚ୍ଚା କରିବାକୁ ସରକାର ରାଜି ହୋଇଛନ୍ତି ବୋଲି ସେ କହିଛନ୍ତି । କିଛି ଦିନ ପୂର୍ବରୁ ଗୃହମନ୍ତ୍ରୀ ଅମିତ ଶାହାଙ୍କ ସହିତ ସାକ୍ଷାତ କରି ଏବାବଦରେ ଆଲୋଚନା କରିଥିଲେ କୁସ୍ତିଯୋଦ୍ଧା । ଏହାର ଠିକ୍ ଗୋଟିଏ ଦିନ ପରେ ସାକ୍ଷୀ ମଲ୍ଲିକ୍, ବଜରଙ୍ଗ ପୁନିଆ ଓ ବିନେଶ ଫୋଗାତ୍ ନିଜ ନିଜ ଚାକିରିରେ ପୁଣି ଥରେ ଯୋଗ ଦୋଇଛନ୍ତି ।  

The government is willing to have a discussion with the wrestlers on their issues.

I have once again invited the wrestlers for the same.

— Anurag Thakur (@ianuragthakur) June 6, 2023

ବିଜେପି ସାଂସଦ ତଥା କୁସ୍ତିଯୋଦ୍ଧା ମହାସଂଘର ଅଧ୍ୟକ୍ଷ ବ୍ରିଜ୍‌ଭୂଷଣ ଶରଣ ସିଂହଙ୍କ ବିରୋଧରେ ସମସ୍ତ କୁସ୍ତିଯୋଦ୍ଧା ଆନ୍ଦୋଳନ କରୁଛନ୍ତି । ସେମାନଙ୍କ ଅଭିଯୋଗକୁ ନେଇ ଖେଳ ମନ୍ତ୍ରୀ ପୁଣି ଥରେ ଆଲୋଚନା କରିବାକୁ ଆମନ୍ତ୍ରଣ କରିଛନ୍ତି । ୧୮ ଜାନୁଆରୀରେ  ସାଂସଦ ବ୍ରିଜ୍‌ଭୂଷଣଙ୍କ ବିରୋଧରେ ଯୌନ ଶୋଷଣ ଅଭିଯୋଗ ଆଣିଥିଲା କୁସ୍ତିଯୋଦ୍ଧା ମହସଂଘ ।

୧୯ ଜାନୁଆରୀରେ କ୍ରୀଡାମନ୍ତ୍ରୀ ଅନୁରାଗ ଠାକୁର ସେମାନଙ୍କ ସହିତ ଆଲୋଚନା କରିଥିଲେ । ଦୋଷୀଙ୍କ ବିରୋଧରେ ତଦନ୍ତ କରି କାର୍ଯ୍ୟାନୁଷ୍ଠାନ ନିଆଯିବ ବୋଲି ପ୍ରତିଶ୍ରୁତି ଦେଇଥିଲେ  । ହେଲେ ନ୍ୟାୟ ନମିଳିବାରୁ ରାଜଧାନୀ ଦିଲ୍ଲୀର ଜନ୍ତରମନ୍ତରରେ ୨୩ ଅପ୍ରେଲରୁ ୨୮ ମେ’ ପର୍ଯ୍ୟନ୍ତ ଧାରଣ ଦେଇଥିଲେ । ୨୮ ମେ’ରେ ନୂଆ ସାଂସଦ ଭବନ ଉଦଘାଟନ ବେଳେ କୁସ୍ତିଯୋଦ୍ଧଙ୍କୁ ଧାରଣାରୁ ହଟାଇ ଦିଆଯାଇଥିଲା ।

କୁସ୍ତିଯୋଦ୍ଧାଙ୍କ ଅଭିଯୋଗ ଆଧରରେ ଦିଲ୍ଲୀ ପୋଲିସ ମମାଲା ରୁଜୁ କରି ତଦନ୍ତ କରୁଛି । ଏଥିରେ POCSO ଆକ୍ଟ ମଧ୍ୟ ଲାଗିଛି । ଏହି ଘଟଣାରେ ପୋଲିସ ବ୍ରିଜଭୂଷଣଙ୍କ ପରିବାର ସମେତ ସମ୍ପର୍କୀୟ ତଥା ୨ଶହ ଜଣଙ୍କୁ ପଚରାଉଚରା କରି ବୟାନ ରେକର୍ଡ କରିଛି ।