ନୂଆଦିଲ୍ଲୀ: ଜାରି ହୋଇଛି ଏପ୍ରିଲ ମାସର ପାଇକାରୀ ମୁଦ୍ରାସ୍ଫୀତି ହାର ତଥ୍ୟ। ତଥ୍ୟ ଅନୁଯାୟୀ, । ଏପ୍ରିଲ ମାସରେ ପାଇକାରୀ ମୁଦ୍ରାସ୍ଫୀତି ହାର ‌୧.୨୬ ପ୍ରତିଶତରେ ପହଞ୍ଚିଛି । ଆଉ ଏହି ତଥ୍ୟ ସହ ଏପ୍ରିଲ ମାସର ପାଇକାରୀ ମୂଲ୍ୟ ସୂଚକାଙ୍କ (WPI) ଆଧାରିତ ମୁଦ୍ରାସ୍ଫୀତି ୧୩ ମାସର ସର୍ବୋଚ୍ଚ ସ୍ତରରେ ପହଞ୍ଚିଛି । ଏହା ପୂର୍ବରୁ ୨୦୨୪ ମାର୍ଚ୍ଚରେ ୦.୫୩ ପ୍ରତିଶତ ରହିଥିଲା ଡବ୍ଲୁପିଆଇ। ତେବେ ବାର୍ଷିକ ଆଧାରରେ ଦେଖିଲେ ୨୦୨୩ ଏପ୍ରିଲରେ ଏହା ୦.୭୯ ପ୍ରତିଶତ ରହିଥିଲା। 

ତେବେ ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରାଳୟ ମଙ୍ଗଳବାର ଏକ ବୟାନରେ‌ କହିଛି ଯେ, ଏପ୍ରିଲ ୨୦୨୪ରେ ମୁଦ୍ରାସ୍ଫୀତିରେ ବୃଦ୍ଧିର ମୁଖ୍ୟ କାରଣ ଖାଦ୍ୟ ସାମଗ୍ରୀ, ବିଜୁଳି, କଞ୍ଚା ତେଲ ତଥା ପ୍ରାକୃତିକ ଗ୍ୟାସ୍‌, ଖାଦ୍ୟ ଉତ୍ପାଦର ନିର୍ମାଣ, ଅନ୍ୟ ବିନିର୍ମାଣ ଆଦିର ଦାମ୍‌ରେ ବୃଦ୍ଧି ରହିଛି।’’ 

ଏହା ପୂର୍ବରୁ ସୋମବାର ସିପିଆଇ ଆଧାରିତ ଖୁଚୁରା ମୁଦ୍ରାସ୍ଫୀତି ତଥ୍ୟ ମଧ୍ୟ ଜାରି ହୋଇଥିଲା। ଅବଶ୍ୟ ଏହି ତଥ୍ୟ ଅନୁଯାୟୀ, ଏପ୍ରିଲରେ ଖୁଚୁରା ମୁଦ୍ରାସ୍ଫୀତି ମାର୍ଚ୍ଚ ତୁଳନାରେ .୨ ଅଙ୍କର ସାମାନ୍ୟ ହ୍ରାସ ହୋଇଛି। ଏପ୍ରିଲରେ ଖୁଚୁରା ମୁଦ୍ରାସ୍ଫୀତି ୧୧ ମାସର ସର୍ବନିମ୍ନ ସ୍ତରରେ ୪.୮୩ ପ୍ରତିଶତକୁ ଆସିଛି। ମାର୍ଚ୍ଚରେ ଖୁଚୁରା ମୁଦ୍ରାସ୍ଫୀତି ୪.୮୫ ପ୍ରତିଶତ ରହିଥିଲା।