ବରଗଡ ୩।୧୧: ୭୧ତମ ବିରାଟ ଧନୁଯାତ୍ରାରେ ନେଇ ଜିଲ୍ଲା ପ୍ରଶାସନର ପ୍ରସ୍ତୁତି ବୈଠକ ଅନୁଷ୍ଠିତ । ବୈଠକରେ ଟ୍ରାଫିକ ସମସ୍ୟା ,ଭିଡ ନିୟନ୍ତ୍ରଣ ଓ ସୁରଖୁରରେ କିପରି ଏହି ବିଶ୍ବ ପ୍ରସିଦ୍ଧ ଯାତ୍ରା ଅନୁଷ୍ଠିତ ହେବ ସନେଇ ଆଲୋଚନା କରାଯାଇଛି ।
{"id":178368,"width":571,"height":321}ସୂଚନାଯୋଗ୍ୟ ଯେ, ଆସନ୍ତା ଡିସେମ୍ବର ୩୧ରୁ ଜାନୁଆରୀ ୧୧ ପର୍ଯ୍ୟନ୍ତ ୧୦ ଦିନ ବ୍ୟାପି ଚାଲିବ ବିଶ୍ବ ପ୍ରସିଦ୍ଧ ବରଗଡ ର ଧନୁଯାତ୍ରା । ଏହି ୭୧ତମ ବିରାଟ ଧନୁଯାତ୍ରାରେ ବରଗଡ ପାଲଟିବ ମଥୁରା ନଗରୀ ଓ ଅମ୍ବାପାଲି ପାଲଟିବ ଗୋପପୁର । ସେହିପରି ଉଭୟ ସହର ମଧ୍ୟସ୍ଥଳରେ ବହିଯାଇ ଥିବା ଜୀରା ନଦୀ ପାଲଟିବ ଯମୁନା ନଇ । ପ୍ରାୟ ୧୭ଟି ମୁକ୍ତାକାଶ ମଂଚ ରେ ଧନୁଯାତ୍ରା ର ଦୃଶ୍ୟ ଅଭିନୀତ ହେବକୁ ଯାଉଛି । ଶନିବାର ଜିଲ୍ଲାପାଳଙ୍କ ଅଧ୍ୟକ୍ଷତାରେ ଧନୁଯାତ୍ରା କମିଟି ର ବୈଠକ ଅନୁଷ୍ଠିତ ହୋଇଯାଇଛି ।ଚଳିତ ବର୍ଷ ଧନୁ ଯାତ୍ରାକୁ ଅଧିକ ସରସ ସୁନ୍ଦର ଓ ଆକର୍ଷଣୀୟ କରିବା ପାଇଁ କମିଟି ନିଷ୍ପତି ନେଇଛି । ଟ୍ରାଫିକ ସମସ୍ୟା ,ଭିଡ ଓ ଯାତ୍ରାରେ ଯେପରି କିଛି ଅଘଟଣ ନଘଟିବ ତା ଉପରେ ମଧ୍ୟ ଗୁରୁତ୍ବ ଦିଆଯିବ ବୋଲି ପ୍ରଶାସନ ପକ୍ଷରୁ ଜଣାଇଦିଆଯାଇଛି। ଗତଥର କଂସ ଭୁମିକାରେ ଅଭିନୟ କରିଥିବା ଭୁବନେଶ୍ବର ପ୍ରଧାନଙ୍କୁ ଚଳିତ ବର୍ଷ ମଧ୍ୟ କଂସ ଭୁମିକାରେ ଦେଖିବେ ଶ୍ରଦ୍ଧାଳୁ ।