ଲଣ୍ଡନ ୧୧|୬: ଆଜି ଦୁଇ ଏସୀୟ ଟିମ୍ ଶ୍ରୀଲଙ୍କା ଏବଂ ବାଂଲାଦେଶ ଭିତରେ ମୁକାବିଲା ହେବ । ଶ୍ରୀଲଙ୍କା ୩ଟି ମ୍ୟାଚରୁ ଗୋଟିକରେ ବିଜୟ ଏବଂ ଅନ୍ୟ ଗୋଟିଏ ବାତିଲ ମ୍ୟାଚରୁ ଗୋଟିଏ ପଏଣ୍ଟ ସହ ୩ ପଏଣ୍ଟ ପାଇଛି । ବାଂଲାଦେଶ ନିଜର ୩ଟି ମ୍ୟାଚରୁ ଗୋଟିଏ ଜିତି ୨ପଏଣ୍ଟ ହାସଲ କରିଛି ।
ସେପଟେ ଦକ୍ଷିଣ ଆଫ୍ରିକାକୁ ବର୍ଷା ଦେଲା ପ୍ରଥମ ପଏଣ୍ଟ । ଗତକାଲି ଦକ୍ଷିଣଆଫ୍ରିକା-ୱେଷ୍ଟଇଣ୍ଡିଜ ମ୍ୟାଚ୍ ବର୍ଷା ଯୋଗୁ ବାତିଲ ହୋଇଥିଲା । ଖେଳ ବନ୍ଦ ବେଳକୁ ଦକ୍ଷିଣଆଫ୍ରିକା ୨ ୱିକେଟ୍ ହରାଇ ୨୯ ରନ୍ କରିଥିଲା । ପ୍ରଥମ ତିନିଟି ମ୍ୟାଚରେ ହାରିଥିବା ଦକ୍ଷିଣ ଆଫ୍ରିକା ବାତିଲ ମ୍ୟାଚରୁ ଗୋଟିଏ ପଏଣ୍ଟ ପାଇଁ ଖାତା ଖୋଲିଛି । ତେଣୁ ଦକ୍ଷିଣଆଫ୍ରିକା ପାଇଁ ସେମିଫାଇନାଲ ରାସ୍ତା ବେଶ ମୁସ୍କିଲ ହେବ ।
