oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: ଭଞ୍ଜବିହାର କ୍ୟାମ୍ପସ୍‌ରେ ବାଘ ! ଭୟଭୀତ ଛାତ୍ରଛାତ୍ରୀ ଓ ସ୍ଥାନୀୟ ଲୋକେ, ବନ ବିଭାଗର ପାଟ୍ରୋଲିଂ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୨୨୨ କୋଭିଡ୍ ପଜିଟିଭ୍
  • ||
  • ଭୁବନେଶ୍ୱର : ଉଗ୍ରରୂପ ରୂପ ନେଲା ପାରିବାରିକ କଳହ, ଜୀବନ ହାରିଦେଲେ ଜିଲ୍ଲା ପରିଷଦ ସଭ୍ୟ
  • ||
  • ୫ ଦୋକାନ ଉପରେ ଚଢିଗଲା ସାର ବୋଝେଇ ଟ୍ରକ୍, ଅଳ୍ପକେ ବର୍ତ୍ତିଲେ ୧୪ କର୍ମଚାରୀ
  • ||
  • ପୂଜାରେ ଭିଜିବ ପାର୍ବଣ, ଲଘୁଚାପ ପ୍ରଭାବରେ ୨୬ରୁ ୨୯ ଯାଏ ନିର୍ଦ୍ଧୁମ ଛେଚିବ
  • ||

ସୋଆରେ ସାର୍ବଭୌମିକ ମାନବିୟ ମୂଲ୍ୟବୋଧ ସମ୍ପର୍କିତ କର୍ମଶାଳା

29/04/2022 at 8:17 PM

ଭୁବନେଶ୍ୱର ୨୯/୦୪ : ମାନବିକ ମୂଲ୍ୟବୋଧ ବିନା ମଣିଷର ଜୀବନ ମୂଲ୍ୟହୀନ । ପ୍ରତ୍ୟେକ ମଣିଷ ନିଜର ଦୈନନ୍ଦିନ ଜୀବନରେ ଏହାକୁ ପାଳନ କରିବା ଉଚିତ୍ ବୋଲି କହିଛନ୍ତି ଶିକ୍ଷା ଓ ଅନୁସନ୍ଧାନ ବିଶ୍ୱବିଦ୍ୟାଳୟ (ସୋଆ)ର କୁଳପତି ପ୍ରଫେସର ଡଃ ଅଶୋକ କୁମାର ମହାପାତ୍ର ।

ସୋଆ ପରିଚାଳିତ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନିକାଲ୍ ଏଜୁକେସନ୍ ଆଣ୍ଡ ରିସର୍ଚ୍ଚ (ଆଇଟିଇଆର୍‌)ରେ ଶୁକ୍ରବାର ଅଲ୍ ଇଣ୍ଡିଆ କାଉନ୍‌ସିଲ୍ ଫର ଟେକ୍ନିକାଲ୍ ଏଜୁକେସନ୍ (ଏଆଇସିଟିଇ) ପକ୍ଷରୁ “ୟୁନିଭର୍ସାଲ୍ ହ୍ୟୁମ୍ୟାନ୍ ଭାଲ୍ୟୁ” ପ୍ରସଙ୍ଗରେ ଆୟୋଜିତ ୩ ଦିନିଆ ଆଞ୍ଚଳିକ କର୍ମଶାଳାର ଉଦ୍‌ଘାଟନୀ କାର୍ଯ୍ୟକ୍ରମରେ ଯୋଗ ଦେଇ ଏହା ପ୍ରଫେସର ମହାପାତ୍ର କହିଛନ୍ତି । ନୂତନ ଶିକ୍ଷା ନୀତିରେ ନୈତିକ ମୂଲ୍ୟବୋଧ ଶିକ୍ଷା ଉପରେ କିଭଳି ଗୁରୁତ୍ୱ ଦିଆଯିବ ସେ ନେଇ ପ୍ରଫେସର ମହାପାତ୍ର ମତବ୍ୟକ୍ତ କରିଛନ୍ତି ।

ଶିକ୍ଷାର ମାନବୃଦ୍ଧି ଓ ନୂତନ ଶିକ୍ଷାନୀତିକୁ ଆପଣାଇବାକୁ ଏଆଇସିଟିଇ ପକ୍ଷରୁ ବୈଷୟିକ ଶିକ୍ଷା ଗ୍ରହଣ କରୁଥିବା ଛାତ୍ରଛାତ୍ରୀମାନଙ୍କ ପାଇଁ ସାର୍ବଭୌମିକ ମାନବିକ ମୂଲ୍ୟବୋଧ ଉପରେ ଗୁରୁତ୍ୱ ଦିଆଯାଉଥିବା ବେଳେ ଏହାକୁ ପାଠ୍ୟକ୍ରମରେ ମଧ୍ୟ ସାମିଲ କରାଯାଇଛି । ଏଥିପାଇଁ ଏଆଇସିଟିଇ ଅଧୀନରେ ଥିବା ପ୍ରାୟ ୧୦ ହଜାର ମହାବିଦ୍ୟାଳୟର ଅଧ୍ୟାପକ ଓ ଅଧ୍ୟାପିକାମାନଙ୍କୁ ପ୍ରଶିକ୍ଷଣ ଦିଆଯାଉଛି ଓ ପ୍ରସ୍ତୁତ କରାଯାଉଛି । ତେଣୁ ଏଥିପାଇଁ ଏଭଳି କର୍ମଶାଳାର ଆୟୋଜନ କରାଯାଉଥିବା ସୂଚନା ଦେଇଛନ୍ତି ଏଆଇସିଟିଇ ପୂର୍ବାଞ୍ଚଳ ଆଞ୍ଚଳିକ ଅଧିକାରୀ ଡଃ  ବି. ଗୋସ୍ୱାମୀ । ଅନ୍‌ଲାଇନ୍ ଯୋଗେ କର୍ମଶାଳାରେ ଯୋଡ଼ି ହୋଇ ଏହି କର୍ମଶାଳାର ଉଦ୍ଦେଶ୍ୟ ଓ କାର୍ଯ୍ୟପନ୍ଥା ସମ୍ପର୍କରେ ସେ ସୂଚନା ଦେଇଛନ୍ତି ।

କେବଳ ଶିକ୍ଷାନୁଷ୍ଠାନ କ୍ୟାମ୍ପସ୍ ନୁହେଁ ନିଜ ଦୈନନ୍ଦିନ ଜୀବନରେ ମଧ୍ୟ ଛାତ୍ରଛାତ୍ରୀମାନଙ୍କୁ ଏହି ମାନବିକ ମୂଲ୍ୟବୋଧ ଗ୍ରହଣ କରିବାକୁ ପଡ଼ିବ । କେବଳ ଅଧିକ ମାର୍କ ରଖିବା ଶିକ୍ଷା ବ୍ୟବସ୍ଥାର ଲକ୍ଷ୍ୟ ନୁହେଁ ଏଥିପାଇଁ ତ୍ୟାଗ, ଧୈର୍ଯ୍ୟ, ଉଚିତ୍ କର୍ମ, ସତ୍ୟ ବଚନ ଏବଂ ଅନ୍ୟର ଧର୍ମକୁ ସମ୍ମାନ ଦେବା ଭଳି ନୈତିକ ଶିକ୍ଷାକୁ ଗୁରୁତ୍ୱ ଦିଆଯିବାର ଆବଶ୍ୟକତା ରହିଛି ବୋଲି ଇଷ୍ଟର୍ଣ୍ଣ ରିଜିଓନାଲ୍ କୋର୍ଡିନେଟର ଏବଂ ଏନ୍‌ସିସି-ଆଇପିର ସଦସ୍ୟ ଶ୍ରୀ ଦିଲୀପ ଦେବନାଥ କହିଛନ୍ତି ।

ନୂତନ ଶିକ୍ଷା ନୀତି ଅନୁଯାୟୀ ଛାତ୍ରଛାତ୍ରୀମାନଙ୍କୁ ବିଶ୍ୱବିଦ୍ୟାଳୟ ଗୁଡ଼ିକରେ ସେମାନେ କିଭଳି ମାନବିକ ମୂଲ୍ୟବୋଧ ଓ ନୈତିକ ଶିକ୍ଷା ସହିତ ପ୍ରାଚୀନ ସଂସ୍କୃତି, ସାମାଜିକ ସଂସ୍କାର ଓ ନିଜ କର୍ତ୍ତବ୍ୟ ସଂମ୍ପାଦନ ଉପରେ ଅଧିକ ମନୋନିବେଶ କରିବେ ସେ ବିଷୟରେ ଆଲୋଚନା କରାଯିବାର କାର୍ଯ୍ୟକ୍ରମ ରହିଛି ବୋଲି ସମ୍ମିଳନୀର ଆବାହକ ପ୍ରଫେସର ରେଣୁ ଶର୍ମା କହିଛନ୍ତି ।

ବର୍ତ୍ତମାନ ସାରା ବିଶ୍ୱ ନୈତିକ ମୂଲ୍ୟବୋଧ ଠାରୁ ଦୂରେଇ ଯାଉଥିବା ବେଳେ ଏହା ଏକ ସଙ୍ଗୀନ ପରିସ୍ଥିତି ସୃଷ୍ଟି କରିଛି ଏବଂ ଏ ଦିଗରେ ଛାତ୍ରଛାତ୍ରୀମାନଙ୍କୁ ସଚେତନ କରାଇବାର ଆବଶ୍ୟକତା ରହିଛି ବୋଲି ସୋଆ ସ୍କୁଲ୍ ଅଫ୍ ହୋଟେଲ ମ୍ୟାନେଜମେଂଟର ଡିନ୍ ତଥା ଉପଦେଷ୍ଟା ପ୍ରଫେସର ଶିତିକଣ୍ଠ ମିଶ୍ର କହିଛନ୍ତି ।

କୁଳପତି ପ୍ରଫେସର ମହାପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ଏହି ଉଦ୍‌ଘାଟନୀ କାର୍ଯ୍ୟକ୍ରମରେ ପ୍ରଫେସର ଶିତିକଣ୍ଠ ମିଶ୍ର ସ୍ୱାଗତ ଭାଷଣ ଦେଇଥିବା ବେଳେ ଉପକୁଳପତି ପ୍ରଫେସର ପ୍ରଦୀପ୍ତ କୁମାର ନନ୍ଦ ବକ୍ତବ୍ୟ ରଖିଥିଲେ । ସେହିପରି ଅନ୍‌ଲାଇନ୍ ଯୋଗେ ଏଆଇସିଟିଇର ଇଣ୍ଡକ୍ସନ୍ ପ୍ରୋଗ୍ରାମ୍‌ର ଡେପୁଟି ଡାଇରେକ୍ଟର ଶ୍ରୀମତି ନୀତୁ ଭଗତ, ଏନ୍‌ସି-ୟୁଏଚ୍‌ଭିର ସଦସ୍ୟ ଶ୍ରୀ ରଜୁଲ୍ ଆସ୍ଥାନା ମଧ୍ୟ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ । କାର୍ଯ୍ୟକ୍ରମରେ ଆଇଟିଇଆର୍‌ର ନିର୍ଦ୍ଦେଶକ ପ୍ରଫେସର ମାନସ କୁମାର ମଲ୍ଲିକ ଉପସ୍ଥିତ ଥିବା ବେଳେ ପ୍ରଫେସର ଶର୍ମା ଧନ୍ୟବାଦ ଅର୍ପଣ କରିଥିଲେ ।   

   Related Posts