ଚୀନର ଆଣ୍ଟିଜେନ କିଟ୍ କମ୍ପାନି ବାହାରେ ପୋଲିସ-କର୍ମଚାରୀ ମଧ୍ୟରେ ଭୟଙ୍କର ସଂଘର୍ଷ, ଦେଖନ୍ତୁ ଭିଡିଓ

Published By : Prameya-News7 Bureau | January 08, 2023 IST

ନୂଆଦିଲ୍ଲୀ: ଚୀନରେ କରୋନା ସ୍ଥିତି ଲଗାତାର ସଙ୍ଗୀନ ହେବାରେ ଲାଗିଛି । ସ୍ୱାସ୍ଥ୍ୟ ସେବା ସମ୍ପୂର୍ଣ୍ଣ ରୂପେ ବିଫଳ ହୋଇଯାଇଛି । ଲୋକଙ୍କ ଅସୁବିଧା କହିଲେ ନ ସରେ । ବିଭିନ୍ନ ସ୍ଥାନରେ ସୁରକ୍ଷାକର୍ମୀ ଏବଂ ଲୋକଙ୍କ ମଧ୍ୟରେ ସଂଘର୍ଷର ଭିଡିଓ ମଧ୍ୟ ସାମନାକୁ ଆସିଛି । ଏହାରି ଭିତରେ ଚୀନର ଏକ କରୋନା ଆଣ୍ଟିଜେନ କିଟ୍ ଉତ୍ପାଦନ କାରଖାନା ବାହାରେ ପୋଲିସ ଏବଂ କର୍ମଚାରୀଙ୍କ ମଧ୍ୟରେ ଧସ୍ତାଧସ୍ତିର ଭିଡିଓ ସାମନାକୁ ଆସିଛି । ଏହି ସମୟର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ରୟଟର୍ସର ରିପୋର୍ଟ ଅନୁସାରେ, ପାରିଶ୍ରମିକ ଏବଂ ଛଟେଇକୁ ବିରୋଧ କରି କର୍ମଚାରୀମାନେ କମ୍ପାନି ଆଗରେ ପ୍ରଦର୍ଶନ କରୁଛନ୍ତି । ଚୋଙ୍ଗକିଙ୍ଗର ସେଣ୍ଟ୍ରାଲ ମ୍ୟୁନିସିପାଲଟିରେ ଏହି ସଂଘର୍ଷ ଦେଖିବାକୁ ମିଳିଛି । ପୋଲିସ ଏବଂ କିଟ୍ କମ୍ପାନି ଜାୟବୋ ପକ୍ଷରୁ ସ୍ଥିତି ଉପରେ କୌଣସି ପ୍ରତିକ୍ରିୟା ସାମନାକୁ ଆସି ନାହିଁ । ତେବେ ଅନେକ ମିଡିଆ ରିପୋର୍ଟ ଅନୁସାରେ, ପାରିଶ୍ରମିକ ଏବଂ ଚାକିରିରୁ ଛଟେଇକୁ ବିରୋଧ କରି କର୍ମଚାରୀମାନେ ପ୍ରତିବାଦ କରୁଛନ୍ତି । ଉଲ୍ଲେଖଯୋଗ୍ୟ ଏହି କର୍ମଚାରୀମାନଙ୍କ ନିକଟରେ ଅତୀତରେ ନିଯୁକ୍ତି ଦିଆଯାଇଥିଲା ।

wp:html /wp:html

କୌଣସି ରାଜନୈତିକ ଉଦ୍ଦେଶ୍ୟ ନାହିଁ, ଏହା କେବଳ କମ୍ପାନି ପରିଚାଳନା କର୍ତ୍ତୃପକ୍ଷଙ୍କୁ ବିରୋଧ କରି ପ୍ରଦର୍ଶନ କରାଯାଇଥିବା ଭିଡିଓରେ କିଛି ପ୍ରଦର୍ଶନକାରୀ କହୁଥିବା ଶୁଣିବାକୁ ମିଳୁଛି । ତେବେ ପୋଲିସ ଏବଂ ସ୍ଥାନୀୟ ପ୍ରଶାସନ ପ୍ରଦର୍ଶନକୁ ବଳପୂର୍ବକ ବନ୍ଦ କରିବାକୁ ଉଦ୍ୟମ କରୁଥିବା ଅଭିଯୋଗ ହୋଇଛି ।  

wp:html /wp:html

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.