ପାଟନା,୧୨/୦୮: ବିପୁଳ ପରିମାଣର କାଠ ଜବତ । କେନ୍ଦୁଝର ଜିଲ୍ଲା ଦେଇ ଯାଇଥିବା ୨୦ ନମ୍ବର ଜାତୀୟ ରାଜପଥର ପିପିଳିଆ ନିକଟରେ ବିଳମ୍ବିତ ରାତିରେ ପାଟଣା ବନ ବିଭାଗ ଚଢ଼ଉ କରିଥିଲା । ଚଢଉ ବେଳେ ଏକ ଶାଳ ଚୌକାଠ ବୋଝେଇ ସ୍କର୍ପିଓକୁ ଜବତ କରିଛି ବନ ବିଭାଗ।
ସୁଚନା ଅନୁସାରେ, କାଠ ବୋଝେଇ ସ୍କର୍ପିଓଟି କେନ୍ଦୁଝରରୁ ଢେଙ୍କିକୋଟ ଆଡ଼କୁ ଯାଉଥିଲା । କୌଣସି ସୂତ୍ରରୁ ବନ ବିଭାଗ ଖବର ପାଇ ଚଢ଼ଉ କରିଥିଲା । ଚଢଉ ବେଳେ ସ୍କର୍ପିଓରୁ ୭୫ ଖଣ୍ଡ ଚୌକାଠ ଜବତ ହୋଇଛି । ତେବେ କାଠର ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ପାଟଣା ରେଞ୍ଜର ଘାସିନାଥ ପାତ୍ର ସୂଚନା ଦେଇଛନ୍ତି।
