ନୀଳଗିରି,୯/୮: ନୀଳଗିରି ବନବିଭାଗ ପକ୍ଷରୁ ଆଜି ବେଆଇନ କରତକଳ ଉପରେ ଚଢ଼ାଉ କରାଯାଇ ଲକ୍ଷାଧିକ ଟଙ୍କାର କାଠ ଓ ଯନ୍ତ୍ରାଂଶ ଜବତ ହୋଇଛି । ସୂଚନାଯୋଗ୍ୟ, ରେମୁଣା ବ୍ଲକ ଅଧିନ ଗୋବିନ୍ଦପୁର ଅଞ୍ଚଳରେ ବହୁ ଦିନଧରି ବେଆଇନ କରତକଳ ଚାଲିଆସୁଥିଲା । ଆଜି ନୀଳଗିରି ରେଞ୍ଜର ମନ୍ବର ଖାଁଙ୍କ ନେତୃତ୍ୱରେ ଏକ ଟିମ ଅଚାନକ ଚଢ଼ାଉ କରିବା ସହ ମୂଲ୍ୟବାନ ୬୫ ସିଫ୍ଟ କାଠ ଓ ଯନ୍ତ୍ରାଂଶ ଜବତ କରାଯାଇଥିବା ଜଣାପଡ଼ିଛି ।
ମେସିନ ସାହାଯ୍ୟରେ ବେଆଇନ କରତକଳଟିକୁ ଭାଙ୍ଗି ଦିଆଯାଇଛି । ଏନେଇ ଏକ ମାମଲା ରୁଜୁ କରାଯାଇଥିବା ବେଳେ କାହାରିକୁ ଗିରଫ କରାଯାଇନଥିବା ଜଣାପଡିଛି ।
