ମୁମ୍ବାଇ: ଆଇପିଏଲ ଭଳି ଖେଳାଯିବ ମହିଳା ଆଇପିଏଲ୍ । ଚଳିତ ସିଜିନ୍‌ରୁ ଆରମ୍ଭ ହେବ WPL। ଏନେଇ ସୋମବାର ଅକ୍ସନ ଆରମ୍ଭ ହୋଇଛି । ମହିଳା ପ୍ରିମିୟର ଲିଗ୍ ପାଇଁ ବିସିସିଆଇ ନିଲାମୀ ପ୍ରକ୍ରିୟା ଆରମ୍ଭ କରିଛି । ଡବ୍ଲୁପିଏଲ୍ ପାଇଁ ୪୦୯ ମହିଳା କ୍ରିକେଟରଙ୍କ ତାଲିକା ପ୍ରସ୍ତୁତ କରାଯାଇଛି । ଚଳିତ ସିଜିନ୍‌ରୁ ଆରମ୍ଭ ହେବ ମହିଳା କ୍ରିକେଟ୍ ପ୍ରିମିୟର ଲିଗ୍ ।

ନିଲାମୀ ପ୍ରକ୍ରିୟାରେ ୫ ଫ୍ରାଞ୍ଚାଇସଙ୍କ ପାଖରେ ମୋଟ୍ ୯୦ଟି ସ୍ଲଟ୍ ଖାଲି ରହିଛି । WPL-2023 ଅକ୍ସନ ପାଇଁ ବିଶ୍ବର ପ୍ରାୟ ୧୫୨୫ଙ୍କ ଖେଳାଳି ପଞ୍ଜିକରଣ କରିଥିଲେ।  ଏଥିମଧ୍ୟରୁ ୪୦୯ ଖେଳାଳିଙ୍କୁ ସର୍ଟ ଲିଷ୍ଟ କରାଯାଇଛି । ଏମାନଙ୍କ ମଧ୍ୟରୁ ୨୪୬ଜଣ ଭାରତୀୟ ରହିଥିବା ବେଳେ ୧୬୩ଜଣ ବିଦେଶୀ ଖେଳାଳି ରହିଛନ୍ତି ।

ଯେଉଁ ୪୦୯ ଖେଳାଳିଙ୍କୁ ଅକ୍ସନ ପାଇଁ ତାଲିକା ପ୍ରସ୍ତୁତ କରାଯାଇଛି, ସେମାନଙ୍କ ମଧ୍ୟରୁ ୨୦୨ଜଣ ଅନ୍ତରାଷ୍ଟ୍ରୀୟ ସ୍ତରରେ ମ୍ୟାଚ୍ ଖେଳିଛନ୍ତି । ସେହିପରି ୧୯୯ ଖେଳାଳି ଏଯାଏଁ ଜାତୀୟ ସ୍ତରରେ ଡେଭ୍ୟୁ କରିନାହାନ୍ତି । ଡବ୍ଲୁପିଏଲ୍‌ର ପ୍ରଥମ ସଂସ୍କରଣ ୫ଟି ଟିମ୍‌କୁ ନେଇ ହେବ । ସେହିପରି ନିଲାମୀ ପ୍ରକ୍ରିୟା ପାଇଁ ଫ୍ରାଞ୍ଚାଇଜ୍ ମାନେ ନିଜର ସ୍କ୍ବାର୍ଡ ବାଛିଛନ୍ତି । ଫ୍ରାଞ୍ଚାଇଜ୍ ମାନେ ନିଜ ଟିମ୍ ସ୍କ୍ବାର୍ଡରେ ୧୫ରୁ ୧୮ ଖେଳାଳି ରଖିପାରିବେ ।  ସେହିପରି ୭୫ରୁ ୯୦ ଖେଳାଳି ପର୍ଯ୍ୟନ୍ତ ନିଲାମୀ କରିପାରବେ । ପ୍ରତି ଫ୍ରାଞ୍ଚାଇସ୍‌ ନିଜ  ସ୍କ୍ବାର୍ଡରେ ୬ଜଣ ବିଦେଶୀ ଖେଳାଳି ରଖିପାରିବେ ।

ଖେଳାଳି ନିଲାମୀ ପାଇଁ ଫ୍ରାଞ୍ଚାଇଜଙ୍କ ପାଖରେ ୧୨ କୋଟି ଟଙ୍କା ରହିବ । ଚଳିତ ଡବ୍ଲପିଏଲରେ ୬୦ କୋଟିରେ ନିଲାମ ହେବ । ପ୍ରତି ଫ୍ରାଞ୍ଚାଇଜ ୯କୋଟି ଟଙ୍କା ଖର୍ଚ୍ଚ କରିପାରିବେ  । ଡବ୍ଲୁପିଏଲରେ ୨୪ ଖେଳାଳିଙ୍କ ବେସ୍ ପ୍ରାଇସ୍ ୫୦ ଲକ୍ଷ ରହିଥିବା ବେଳେ ୩୦ ଖେଳାଳିଙ୍କ ବେସ୍ ପ୍ରାଇସ୍ ୪୦ ଲକ୍ଷ ଟଙ୍କା ରହିଛି ।