ସିଡନୀ ୦୫। ୦୩ : ମହିଳା ଟି୨୦ ବିଶ୍ୱକପ ଫାଇନାଲରେ ଭାରତ ଓ ଅଷ୍ଟ୍ରେଲିଆ ମୁହାଁମୁହିଁ ହେବେ। ୪ଥରର ବିଶ୍ୱ ଚାମ୍ପିଆନ ଅଷ୍ଟ୍ରେଲିଆକୁ ଭାରତ ଭେଟିବ। ଏହି ହାଇଭୋଲଟେଜ୍ ମୁକାବିଲା ଆସନ୍ତା ରବିବାର ରାତି ୮ଟାରେ ମେଲବର୍ଣ୍ଣ ଷ୍ଟାଡିୟମରେ ଖେଳାଯିବ।
{"id":233361,"width":744,"height":520,"sizeSlug":"large"}ଅଷ୍ଟ୍ରେଲିଆ ବର୍ଷା ବାଧାପ୍ରାପ୍ତ ଦ୍ୱିତୀୟ ସେମିଫାଇନାଲରେ ଦକ୍ଷିଣ ଆଫ୍ରିକାକୁ ଡିଏଲ ନିୟମରେ ୫ ରନରେ ପରାସ୍ତ କରିଛି। ଏହାସହ ଷଷ୍ଠ ଥର ପାଇଁ ଟି୨୦ ଫାଇନାଲରେ ପ୍ରବେଶ କରିଛି। ଏହି ମ୍ୟାଚରେ ଦକ୍ଷିଣ ଆଫ୍ରିକା ଟସ ଜିତି କଙ୍ଗାରୁକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା। ଦଳ ୨୦ ଓଭରରେ ୫ ଓ୍ୱିକେଟ ହରାଇ ୧୩୪ ରନ କରିଥିଲା।
ବର୍ଷା ଯୋଗୁଁ ଦକ୍ଷିଣ ଆଫ୍ରିକାକୁ ୧୩ ଓଭରରେ ୯୮ ରନ ଆବଶ୍ୟକ ଥିଲା। କିନ୍ତୁ ଦଳ ୧୩ ଓଭରରେ ୫ ଓ୍ୱିକେଟ ହରାଇ ୯୨ ରନ କରିପାରିଥିଲା। ଫଳରେ ଅଷ୍ଟ୍ରେଲିଆ ଫାଇନାଲରେ ପହଁଚିଥିଲା।
{"id":233362,"width":776,"height":558,"sizeSlug":"large"}ଏହା ପୂର୍ବରୁ ଭାରତ ଫାଇନାଲରେ ପ୍ରବେଶ କରିସାରିଛି। ଦଳ ଇଂଲଣ୍ଡକୁ ସେମିଫାଇନାଲରେ ଭେଟିଥିଲା। କିନ୍ତୁ ବର୍ଷା ଯୋଗୁଁ ମ୍ୟାଚ ବାତିଲ ହୋଇଥିଲା। ତେବେ ପଏଁଣ୍ଟ ହିସାବରେ ଭାରତ ଫାଇନାଲରେ ପ୍ରବେଶ କରିଥିଲା।