ଟାଙ୍ଗୀ ଥାନା କୋଟସାହି ପଞ୍ଚାୟତରେ ତେଜିଲା ମହିଳାଙ୍କ ମଦ ବିରୋଧୀ ଆନ୍ଦୋଳନ
Published By : Prameya-News7 Bureau | October 30, 2018 IST
କଟକ ୩୦|୧୦: କଟକ ଜିଲ୍ଲା ଟାଙ୍ଗୀ ଥାନା କୋଟସାହି ପଞ୍ଚାୟତରେ ମଦ ବିରୋଧରେ ଆନ୍ଦୋଳନ ତୀବ୍ର ହୋଇଛି। କିଛିଦିନ ତଳେ ସ୍ଥାନୀୟ ହାଡୁଆ ସାହିର ଜଣେ ଯୁବକ ଅତ୍ୟଧିକ ମଦ୍ୟପାନ କରି ମୃତ୍ୟୁବରଣ କରିବା ପରେ ଏବେ ଏକାଠି ହୋଇଛନ୍ତି ମହିଳା । ଟାଙ୍ଗୀ ଅଞ୍ଚଳର ସମସ୍ତ ମହିଳା ସ୍ବୟଂ ସହାୟକ ଗୋଷ୍ଠୀ ଏକାଠି ହୋଇ ମଦ ବୋତଲ ଭାଙ୍ଗିବା ସହ ବିକ୍ରିକୁ ବିରୋଧ କରିଛନ୍ତି । ତେବେ ଏନେଇ ସ୍ଥାନୀୟ ଲୋକେ ଚୌଦ୍ବାର ଅବକାରୀ ଅଧିକାରୀଙ୍କୁ ଜଣାଇଥିଲେ ମଧ୍ୟ ଅଧିକାରୀ ନୀରବ ରହିଛନ୍ତି । ଏହାର ପ୍ରତିବାଦରେ ମହିଳାମାନେ ଚୌଦ୍ବାର ଏସଡିପିଓଙ୍କୁ ଘେରାଉ କରିଥିଲେ। ମହିଳା ମାନେ ତିନି ଜଣ ମଦ ବିକାଳୀଙ୍କୁ ଧରି ପୋଲିସ ଜିମା ଦେବାସହ ଅନେକ ମଦ ବୋତଲକୁ ଥାନା ନିକଟରେ ଭାଙ୍ଗିଥିଲେ। ପୋଲିସ ୩ ଜଣଙ୍କୁ ଗିରଫ କରି ସେମାନଙ୍କ ବିରୋଧରେ ମାମଲା ରୁଜୁ କରିଛି ।