ମେରଠ ୧୧/୧- ମେରଠ କରନାଲ ହାଇଓ୍ଵେରେ ଦିନ ଦିପହରେ ଘଟିଛି ଅଭାବନୀ୍ୟ ଘଟଣା । ସ୍ଵାମୀ-ସ୍ତ୍ରୀ ବାଇକରେ ଯାଉଥିବା ସମୟରେ ଦୁବୃର୍ତ୍ତମାନେ ରାସ୍ତାରେ ଅଟକାଇ ଏଭଳି କାଣ୍ଡ କରିଥିବା ଜଣାଯାଇଛି ।
ମେରଠ କରନାଲ ଜାତୀୟ ରାଜପଥରେ ଦିନ ଦିପହରେ ଘଟିଛି ଏଭଳି ଅମାନବୀୟ ଘଟଣା । ସମୟ ଦୁଇଟା ପାଖାପାଖି, ବିରବାର ସେକ୍ଟ-୬ରେ ରହୁଥିବା ସ୍ଵାମୀ-ସ୍ତ୍ରୀ ବାଇକରେ ଯାଉଥିଲେ । ରାସ୍ତାରେ ଯାଉଥିବା ସମୟରେ ସେମାନେ ବାଟ ଭୁଲିଯାଇଥିଲେ । ଏହି ସମୟରେ କର୍ଲଭଟ ଉପରେ ବସିଥିବା ୪ଜଣ ଯୁବକଙ୍କୁ ରାସ୍ତା ପଚାରିଥିଲେ ଦମ୍ପତି । କିନ୍ତୁ ଯୁବକମାନେ ରାସ୍ତା କହିବା ପରିବର୍ତ୍ତେ ମହିଳାଙ୍କୁ ଆଖୁ କିଆରୀ ଭିତରକୁ ନେଇ କରିଥିଲେ ଦୁଷ୍କର୍ମ । ତାଙ୍କ ସ୍ଵାମୀଙ୍କୁ ମଧ୍ୟ ସେମାନେ ହାତଗୋଡ଼ ବାନ୍ଧି ଦେଇଥିଲେ ।
ମହିଳା ଓ ତାଙ୍କ ସ୍ଵାମୀ ଏହି ଘଟଣାକୁ ବିରୋଧ କରିବାରୁ ଉଭୟଙ୍କୁ ମାଡ଼ ମାରିଥିଲେ । ମହିଳାଙ୍କୁ ଜଣେ ପରେ ଜଣେ ଚାରିଜଣ ତାଙ୍କ ସ୍ଵାମୀଙ୍କ ଆଗରେ ଦୁଷ୍କର୍ମ କରିଥିଲେ ମଧ୍ୟ ସେ କିଛି କରିପାରି ନଥିଲେ ।
ସେହି ଆଖପାଖ ଗାଁର ଲୋକମାନେ ରାସ୍ତାରେ ଯାଉଥିବା ବେଳେ ତାଙ୍କ ସ୍ଵାମୀଙ୍କୁ ବନ୍ଧାହୋଇଥିବା ଦେଖିଥିଲେ । ତାଙ୍କୁ ଆସି ଉଦ୍ଧାର କଲାପରେ ୧୦୦ ହେଲ୍ପଲାଇନକୁ ଫୋନ କରି ଜଣାଇଥିଲେ । ପୋଲିସ ଏହି ଘଟଣାର ମାମଲା ରୁଜୁକରି ତଦନ୍ତ ଚାଲୁକରିଛି । ଅପରାଧୀମାନଙ୍କୁ ଗିରଫ କରିବାକୁ ବିଭିନ୍ନ ଆଡ଼େ ପୋଲିସ ଛାନଭିନ ଆରମ୍ଭ କରିଛି ।