ଭଦ୍ରକ, ୦୩|୦୫: ରାଜ୍ୟ ସରକାର ଏବେ ସମସ୍ତ ପ୍ରବାସୀ ଓଡିଆଙ୍କୁ ରାଜ୍ୟକୁ ଫେରି ଆସିବାକୁ ସୁଯୋଗ ଦେଉଛନ୍ତି । ତେବେ ସୁରତରୁ ଫେରୁଥିବା ବେଳେ ଜଣେ ମହିଳା ବସରେ ହିଁ ପ୍ରସବ କରିଛନ୍ତି । ଏବେ ମା ଓ ଶିଶୁ ଉଭୟ ସୁସ୍ଥ ଥିବା ସୂଚନା ମିଳିଛି ।
ସୂଚନା ଅନୁଯାୟୀ, ପ୍ରବାସୀ ଓଡ଼ିଆ ମହିଳାଜଣଙ୍କ ବସରୁ ରାଜ୍ୟକୁ ଫେରୁଥିଲେ । ବସଟି ସୁରଟର କାଡୋଦରାରୁ ଭଦ୍ରକ ଆସୁଥିଲା। ସେ ତାଙ୍କ ସ୍ୱାମୀଙ୍କ ସହ ସୁରତରୁ ଫେରୁଥିଲେ । ତେବେ ମୁମ୍ବାଇର ନାଗପୁରଠାରେ ମହିଳାଙ୍କ ପ୍ରସବ ବେଦନା ହୋଇଥିଲା । ପ୍ରସବ ବେଦନା ଅସହ୍ୟ ହେବାରୁ ବସରେ ଥିବା ଅନ୍ୟ ମହିଳା ରାସ୍ତା କଡରେ ମହିଳାଙ୍କ ପ୍ରସବ କରାଇଥିଲେ । ଏହାପରେ ମହିଳାଙ୍କୁ ନିକଟସ୍ଥ ଡାକ୍ତରଖାନା ରେ ଭର୍ତ୍ତି କରାଯାଇଥିବା ସୂଚନା ମିଳିଛି । ଉଭୟ ମା ଓ ଶିଶୁ ସୁସ୍ଥ ଥିବା ସୂଚନା ମିଳିଛି ।
