Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ ସମୁଦ୍ରରେ ଗାଧୋଉଥିବା ବେଳେ ଭାସିଗଲେ ୨ ଯୁବକ, ଜଣେ ଉଦ୍ଧାର, ଅନ୍ୟଜଣେ ନିଖୋଜ
  • ||
  • ସ୍ୱାଧିନତା ଦିବସ ଉତ୍ସବରେ ସାମିଲ ହେଲା ଗୁଗଲ, ଡୁଡଲ ମାଧ୍ୟମରେ ଜଣାଇଲା ଶୁଭେଚ୍ଛା
  • ||
  • ଭୂମିକମ୍ପରେ ଥରିଲା ହିମାଚଳ ପ୍ରଦେଶ, ରିକ୍ଟର ସ୍କେଲରେ ତୀବ୍ରତା ୨.୫
  • ||
  • ଅବପାତର ରୂପ ନେଲା ଲଘୁଚାପ, ସୋମବାରଠୁ କମିବ ବର୍ଷା
  • ||
  • ସ୍ୱାଧିନତା ଦିବସ ଅବସରରେ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା, ପ୍ରତିଟି ଭାରତୀୟ ପାଇଁ ଗୌରବର ମୁହୂର୍ତ୍ତ
  • ||
  • ‘ଦୁନିଆରେ ହଜାରେ ବାଘ, କିନ୍ତୁ ଦ୍ରାବିଡ…’ : ଟିମ୍ ଇଣ୍ଡିଆର କୋଚ୍‌ଙ୍କୁ ନେଇ ଟେଲରଙ୍କ ବଡ ବୟାନ
  • ||

ଅଦ୍ଭୁତ ବିଶ୍ବାସ : ବୋହୂ ଘର ଛାଡ଼ି ଫେରାର ହେବାରୁ ନିଜ ଜିଭ କାଟି ଠାକୁରଙ୍କୁ ଚଢ଼ାଇଲେ ଶାଶୁ

18/08/2020 at 11:08 AM

ଜାମଶେଦପୁର ୧୮/୮: ଝାଡ଼ଖଣ୍ଡର ଜାମଶେଦପୁରରୁ ଏକ ଏପରି ମାମଲା ସାମନାକୁ ଆସିଛି ଯେଉଁଠାରେ ବୋହୂ ଘରୁ ପଳାଇବାରୁ ଶାଶୁ ନିଜ ଜିଭ କାଟି ଭଗବାନଙ୍କ ଫଟୋରେ ଚଢ଼ାଇଛନ୍ତି। ଶାଶୁଙ୍କ ମତରେ ଏପରି କରିବା ଦ୍ବାରା ବୋହୂ ଫେରି ଆସିବ।

ଏହି ଘଟଣାଟି ଘଟିଛି ଆର ଆଇଟି ଥାନାର ଏନଆଇଟି କ୍ୟାମ୍ପସରେ। ଏଠାରେ ଜଣେ ଶାଶୁ ତା’ ବୋହୂ ଘର ଛାଡ଼ି ଚାଲିଯିବାରୁ ନିଜ ଜିଭ କାଟି ଭଗବାନ ଶିବଙ୍କ ଫଟୋ ଉପରେ ଚଢ଼ାଇଥିଲେ। ଉକ୍ତ ମହିଳାଙ୍କୁ ତୁରନ୍ତ ଏମଜିଏମ୍ ହସ୍ପିଟାଲରେ ଭର୍ତ୍ତି କରାଯାଇଥିଲା।

ମହିଳାଙ୍କ ସ୍ବାମୀଙ୍କ କହିବାନୁସାରେ ଗାଁରେ ଯେତେବେଳେ କେହି ଘର ଚାଡ଼ି ଚାଲି ଯାଇଥାଏ ସେତେବେଳେ ଏହା ବିଶ୍ବାସ କରାଯାଏ ଯେ ଯଦି କେହି ଜିଭ କାଟି ଭଗବାନଙ୍କୁ ଚଢ଼ାନ୍ତି ତେବେ ଘର ଛାଡ଼ି ଚାଲିଯାଇଥିବା ବ୍ୟକ୍ତି ପୁଣି ଥରେ ଫେରି ଆସିଥାଏ। ଏଥିପାଇଁ ମହିଳା ମଧ୍ୟ ନିଜ ଜିଭ କାଟି ଶିବଙ୍କ ଫଟୋ ସାମନାରେ ଚଢ଼ାଇ ଦେଇଥିଲେ।

ହସ୍ପିଟାଲରେ ଭର୍ତ୍ତି ହୋଇଥିବା ମହିଳାଙ୍କ ସ୍ବାମୀ କହିଥିଲେ ଯେ ବୋହୂ ଶୌଚ ପାଇଁ ବାହାରିଥିଲେ ଏବଂ ନିଜ ଦେଢ଼ ବର୍ଷର ଶିଶୁକୁ ନେଇ ଫେରାର ହୋଇ ଯାଇଥିଲେ। ସୂଚନା ଅନୁଯାୟୀ ମହିଳା ନିଜ ପ୍ରେମିକଙ୍କ ସହ ଫେରାର ହୋଇଯାଇଛନ୍ତି।

ବର୍ତ୍ତମାନ ମହିଳାଙ୍କ ଚିକିତ୍ସା ଚାଲିଛି। ମହିଳାଙ୍କ ଏବେବି ବିଶ୍ବାସ ରହିଛି ଯେ ତାଙ୍କ ବୋହୂ ଖୁବ୍ ଶୀଘ୍ର ଘରକୁ ଫେରି ଆସିବେ କାରଣ ସେ ନିଜ ଜିଭ କାଟି ଭଗବାନଙ୍କ ସମ୍ମୁଖରେ ଚଢ଼ାଇଛନ୍ତି।

   Related Posts