ସିଡିଏ,୨୪/୧: କଟକ ସିଡିଏ ସେକ୍ଟର ୮ର ଏଫ୍ ବ୍ଲକରେ ସଫେଇ କରିଛନ୍ତି ମହିଳା ସମିତି। ସୁଲଗ୍ନା ସ୍ବୟଂ ସହାୟକ ଗୋଷ୍ଠୀ ମହାସଂଘ ଅଧିନରେ ଥିବା ଆଖଣ୍ଡଳମଣି ମହିଳା ସମିତି ପକ୍ଷରୁ ଏହି ସଫେଇ କାର୍ଯ୍ୟ କରାଯାଇଛି। ଏଫ୍ ବ୍ଲକରେ ବାସ କରୁଥିବା ମହିଳାମାନେ ଏକାଠି ହୋଇ ରିକ୍ରେସନ ଫିଲ୍ଡରେ ସଫେଇ କରିଥିଲେ।
ଏହାସହ ନିଜ ଅଞ୍ଚଳକୁ ସଫା ସୁତୁରା ରଖିବାକୁ ଘର ଘର ବୁଲି ସଚେତନ କରିଛନ୍ତି। ସମିତିର ସଭାନେତ୍ରୀ ବନଲତା ମିଶ୍ର, ସଂପାଦକ କବିତା ମିଶ୍ରଙ୍କ ନେତ୍ରୁତ୍ବରେ ମନୋରମା ଶତପଥି, କବିତା ପଟ୍ଟନାୟକ, କଳ୍ପନା ମାଇତି, ଦୀପାଳି ପାଲ୍, ଭାରତୀ ବାରିକ, ମମତା ମିଶ୍ର, ଉର୍ମିଳା ସାମଲ ଏବଂ କନକ ଗୌଡ଼ ଏହି ସଫେଇ ଅଭିଯାନରେ ସାମିଲ ହୋଇଥିଲେ। ଏହାସହ ଆସନ୍ତା ସାଧାରଣତନ୍ତ୍ର ଦିବସରେ ଏଠାରେ ଜାତୀୟ ପତାକା ଉତ୍ତୋଳନ କରାଯିବ ବୋଲି ସମିତି ଜଣାଇଛି।
