ନୂଆଦିଲ୍ଲୀ: ରାଜନୀତିର ଆଖଡା ପାଲଟିଲା ମହିଳା ସୁନ୍ଦର ସ୍ଵାସ୍ଥ୍ୟ ପ୍ରତିଯୋଗିତା କାର୍ଯ୍ୟକ୍ରମ। ଏହାର ଆୟୋଜନକୁ ନେଇ ମୁହାଁମୁହିଁ ହେଲେ ସ୍ଥାନୀୟ କଂଗ୍ରେସ ଏବଂ ବିଜେପି ନେତା। ନିକଟରେ ମଧ୍ୟପ୍ରଦେଶର ରତଲାମରେ ମହିଳା ସୁନ୍ଦର ସ୍ଵାସ୍ଥ୍ୟ ପ୍ରତିଯୋଗିତା ଆୟୋଜନ ହୋଇଛି। ବିବାଦର କାରଣ ହେଉଛି ପ୍ରତିଯୋଗୀମାନେ ଭଗବାନ ହନୁମାନଙ୍କ ସାମ୍ନାରେ ବିଭିନ୍ନ ପ୍ରକାରର ପୋଜ୍ ଦେବା। ଏହା ହନୁମାନଙ୍କ ପ୍ରତି ଅପମାନ ବୋଲି କଂଗ୍ରେସ ଅଭିଯୋଗ କରିଥିବା ବେଳେ ଏହାକୁ ନେଇ ରାଜ୍ୟ ରାଜନୀତି ସରଗରମ ହୋଇ ଉଠିଛି।

ମାର୍ଚ୍ଚ ୪ ଏବଂ ୫ ତାରିଖରେ ଦୁଇ ଦିନ ଧରି ମଧ୍ୟ ପ୍ରଦେଶର ରତଲାମରେ ୧୩ତମ ମିଷ୍ଟର ଜୁନିୟର ସୁନ୍ଦର ସ୍ଵାସ୍ଥ୍ୟ ପ୍ରତିଯୋଗିତା ଆୟୋଜିତ ହୋଇଛି। ଏଥିରେ ମହିଳା ପ୍ରତିଯୋଗୀମାନେ ଭଗବାନ ହନୁମାନଙ୍କ ସାମ୍ନାରେ ପୋଜ୍ ଦେଉଥିବା ଦେଖିବାକୁ ମିଳିଛି। ପ୍ରତିଯୋଗିତା ସରିବା ମାତ୍ରେ କଂଗ୍ରେସର କାର୍ଯ୍ୟକର୍ତ୍ତା ତୁରନ୍ତ ଗଙ୍ଗା ଜଳରେ ଧୋଇ ଏବଂ ହନୁମାନଚାଳିସା ପାଠ କରି ଆୟୋଜନସ୍ଥଳକୁ ସୁଧି କରିଛନ୍ତି।

ଏହି ସୁନ୍ଦର ସ୍ଵାସ୍ଥ୍ୟ ପ୍ରତିଯୋଗିତା ବିଜେପି ମେୟର ପ୍ରହ୍ଲାଦ ପଟେଲ୍‌ଙ୍କ ଏକ କମିଟି ଦ୍ଵାରା ଆୟୋଜନ କରାଯାଇଥିଲା। ଆଉ ଏହାର ସଂରକ୍ଷକ ଥିଲେ ରତଲାମର ବିଜେପି ବିଧାୟକ ଚୈତନ୍ୟ କଶ୍ୟପ।  ଏହି କାର୍ଯ୍ୟକ୍ରମର ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ୍ ହେବାରେ ଲାଗିଛି।

रतलाम महापौर के मुख्य आतिथ्य में भगवान हनुमान जी की मूर्ति रखकर अश्लील प्रदर्शन वह भी मुख्यमंत्री जी के जन्मदिन के मौके पर।सनातन संस्कृति को बेचखाने वाले इस नेता पर क्या कार्यवाही होगी शिवराज जी? @BJP4India @OfficeOfKNath @digvijaya_28 @inc_jpagarwal pic.twitter.com/Xebc6dLKOW

— Bhupendra Gupta Agam (@BhupendraAgam) March 5, 2023

ଏହାକୁ ନେଇ ପୂର୍ବତନ ମେୟର ତଥା କଂଗ୍ରେସ ନେତା ପାରସ ସକଲେଚଛା ବିଜେପି ମେୟର ପ୍ରହ୍ଲାଦ ପଟେଲ୍ ଏବଂ ବିଧାୟକ ଚୈତନଥ୍ୟ କଶ୍ୟପଙ୍କ ଉପରେ ଭଗବାନ ହନୁମାନଙ୍କ ପ୍ରତି ଅଭଦ୍ରତାର ଆରୋପ ଲଗାଇଛନ୍ତି। ଜିଲ୍ଲା ଯୁବ କଂଗ୍ରେସ କମିଟିର ସଭାପତି ମୟଙ୍କ ଜାଟ୍ କହିଛନ୍ତି, ଯେଉଁମାନେ ଏହି କାର୍ଯ୍ୟକ୍ରମରେ ସାମିଲ୍ ଥିଲେ ସେମାନଙ୍କୁ ଭଗବାନ ହନୁମାନ  ଦଣ୍ଡ ଦେବେ।

ରାଜ୍ୟ ବିଜେପିର ମୁଖପାତ୍ର ହିତେଶ ବାଜପେୟୀ ଜବାବ ଦେଇ କହିଛନ୍ତି, ମହିଳା କେମିତି କ୍ରୀଡାରେ ଆଗକୁ ଯିବେ ତାହା ଚାହୁଁନି କଂଗ୍ରେସ। କାର୍ଯ୍ୟକ୍ରମ କିଛି ଆୟୋଜକ ସଦସ୍ୟ କଂଗ୍ରେସ ନେତାଙ୍କ ବିରୋଧରେ ଥାନାରେ ମାମଲା ଦେଇଛନ୍ତି।

हिंदू धर्म और बाल ब्रह्मचारी भगवान बजरंग बली का ऐसा अपमान इतिहास में कभी नहीं हुआ जैसा बीजेपी कर रही है। हनुमान जी की प्रतिमा के सामने नग्नता।

ये तो उन राक्षसों की तरह हो गए हैं जो भगवान से वर पाकर भगवान का ही द्रोह करते हैं।

भाजपा हिंदू धर्म की दुश्मन है। pic.twitter.com/Gaj68RBvF6

— Piyush Babele||पीयूष बबेले (@BabelePiyush) March 6, 2023

ମଧ୍ୟ ପ୍ରଦେଶ ରାଜ୍ୟ କଂଗ୍ରେସ ସଭାପତି କମଲନାଥଙ୍କ ଗଣମାଧ୍ୟମ ପରାମର୍ଶଦାତା ପିୟୂଷ ବାବେଲେ କହିଛନ୍ତି, ହିନ୍ଦୁ ଧର୍ମ ଏବଂ ବାଳ ବ୍ରହ୍ମଚାରୀ ଭଗବାନ ବଜରଙ୍ଗବଲୀଙ୍କ ଏମିତି ଅପମାନ ଇତିହାସରେ ଏମିତି କେବେ ହୋଇନଥିବ, ଯାହା ବିଜେପି କରିଛି। ହନୁମାନଜୀଙ୍କ ପ୍ରତୀମା ସାମ୍ନାରେ ନଗ୍ନତା। ଏମାନେ ତ ସେହି ରାକ୍ଷସ ପରି ହୋଇଗଲେ, ଯେଉଁମାନେ ଭଗବାନଙ୍କଠୁ ବର ପାଇ ଭଗବାନଙ୍କ ବିରୋଧରେ ବିଦ୍ରୋହ କରିଥିଲେ।