ବ୍ରହ୍ମପୁର ୧୬।୧୦: ବ୍ରହ୍ମପୁର ମହିଳା ପରିବା ବିକାଳୀଙ୍କୁ ଧକ୍କା ଦେଲା ଟ୍ରକ୍ । ଘଟଣାସ୍ଥଳରେ ପରିବା ବିକାଳୀଙ୍କ ମୃତ୍ୟୁ ହୋଇଛି । ୧୬ ନମ୍ବର ଜାତୀୟ ରାଜପଥ ଗୋଳନ୍ଥରା ଥାନା ଅନ୍ତର୍ଗତ ରଣ୍ଢା ଛକରେ ଦୁର୍ଘଟଣା ହୋଇଛି । ମୃତକ ହେଲେ ଚିକରଡା ଗାଁର କନକ ବେହେରା । ପରିବା ଧରି ରାସ୍ତା ପାର ହୋଇ ରଣ୍ଢା ବଜାରକୁ ଯାଉଥିବା ବେଳେ ଦୁର୍ଘଟଣା ହୋଇଛି । କ୍ଷତିପୂରଣ ଦାବିରେ ସ୍ଥାନୀୟ ଲୋକ ରାସ୍ତାରୋକ କରିଛନ୍ତି ।

{"id":170607}

କ୍ଷତିପୂରଣ ସହ ରଣ୍ଢା ଛକରେ ଏକ ଫ୍ଲାଏ ଓଭର ବ୍ରିଜ ନିର୍ମାଣ ଦାବିରେ ରାସ୍ତାରୋକ କରିଛନ୍ତି ସ୍ଥାନୀୟ ଅଞ୍ଚଳବାସୀ । ଫଳରେ ରାସ୍ତାର ଉଭୟ ପାର୍ଶ୍ବରେ ବହୁ ଗାଡି ମୋଟର, ଟ୍ରକ୍ ଠିଆ ହୋଇ ରହିଛି। ସେଠାରେ ବାରମ୍ବାର ଦୁର୍ଘଟଣା ଘଟୁଛି। ବହୁ ପ୍ରାଣହାନି ଘଟିଲାଣି । ଏଣୁ ଦୀର୍ଘ ଦିନ ହେଲା ଏକ ଫ୍ଲାଏ ଓଭର ବ୍ରିଜ୍ କରିବାକୁ ଦାବି ହୋଇଥିଲା । ପ୍ରଶାସନ ସେଠାରେ ଫ୍ଲାଏ ଓଭର ବ୍ରିଜ୍ କରିବା ପାଇଁ ପ୍ରତିଶ୍ରୁତି ଦେଇଥିଲେ ହେଁ ବିଳମ୍ବ କାରଣରୁ ବାରମ୍ବାର ଦୁର୍ଘଟଣା ଘଟୁଥିବାରୁ ଦାବି ପୂରଣ କରିବାକୁ ଅଡି ବସିଛନ୍ତି।