ଗୁରୁଃଗ୍ରାମ ୦୪/୦୭ : ହରିୟାଣାରେ ଜଣେ ମହିଳାଙ୍କୁ ଅପହରଣ କରି ୧୪ ବର୍ଷ ଯାଏଁ ଦୁଷ୍କର୍ମ କରାଯାଇଥିବା ମାମଲା ସାମ୍ନାକୁ ଆସିଛି। ପୀଡିତା ମହିଳା ବର୍ତ୍ତମାନ ୩ ଶିଶୁର ମା'। ପୋଲିସ ମହିଳାଙ୍କ ଅଭିଯୋଗ ଆଧାରରେ ମାମଲା ରୁଜ୍ଜୁ କରି ଯାଞ୍ଚ କରୁଛି। ପୋଲିସ ସୂଚନା ଅନୁଯାୟୀ, ହରିୟାଣା ଜିନ୍ଦ ଜିଲ୍ଲାରେ ଜଣେ ମହିଳା ଜଣ ଯୁବକ ବିରୋଧରେ ଅପହରଣ ଓ ଦୁଷ୍କର୍ମ ଅଭିଯୋଗ ଆଣିଛନ୍ତି। ମହିଳା ଜଣକ କହିଛନ୍ତି ଯେ ଯୁବକ ତାଙ୍କୁ ଅପହରଣ କରି ୧୪ ବର୍ଷ ଯାଏଁ ଦୁଷ୍କର୍ମ କରିଛନ୍ତି।
ପୋଲିସ ଅନୁଯାୟୀ, ଉତ୍ତର ପ୍ରଦେଶ ମଉ ଜିଲ୍ଲା ବାସିନ୍ଦା ୨୮ ବର୍ଷୀୟ ମହିଳା ଅଭିଯୋଗ କରିଛନ୍ତି ଯେ ୨୦୦୭ ମସିହାରେ ବିହାର ଚମ୍ପାରଣର ଯୁବକ ସୁମନ ତାଙ୍କୁ ଅପହରଣ କରି ଜିନ୍ଦ ନରବାନା ସ୍ଥିତ ଭଗତ ସିଂହ କଲୋନୀକୁ ନେଇ ଯାଇଥିଲେ। ସେବେଠାରୁ ସେ ତାଙ୍କର ଯୌନ ଶୋଷଣ କରୁଥିଲେ। ମହିଳାଙ୍କ ଅଭିଯୋଗ କ୍ରମେ ନରବାନା ପୋଲିସ ଅଭିଯୁକ୍ତ ବିରୋଧରେ ଅପହରଣ, ଯୌନ ଶୋଷଣ ଓ ବନ୍ଧକ କରି ରଖିଥିବା ଧାରା ଅନୁଯାୟୀ ମାମଲା ରୁଜ୍ଜୁ କରିଛି। ମହିଳା କହିଛନ୍ତି ଯେ ଅଭିଯୁକ୍ତ ସୁମନ ତାଙ୍କୁ ବିବାହ କରିନି ଏବଂ ତାଙ୍କର ୩ ସନ୍ତାନ ମଧ୍ୟ ଅଛନ୍ତି। ପୋଲିସ ମାମଲାର ଯାଞ୍ଚ କରୁଛି।
