ଭୋପାଲ୧୮।୪: ରାତି ପାହିଲେ ପ୍ରଥମ ପର୍ଯ୍ୟାୟ ଭୋଟ ଗ୍ରହଣ। ଏଥି ପାଇଁ ପ୍ରସ୍ତୁତି ଏବେ ଚୂଡ଼ାନ୍ତ ପର୍ଯ୍ୟାୟରେ।  ଏହି କ୍ରମରେ  ମତଦାନ କରାଇବାକୁ ଥିବା କର୍ମଚାରୀଙ୍କୁ ନିର୍ବାଚନୀ ସାମଗ୍ରୀ ବାଣ୍ଟି ଦିଆଯାଇଥିବା ବେଳେ ସେମାନେ ଏବେ ନିଜନିଜ ଗନ୍ତବ୍ୟରେ ବାହାରି ଯାଇଛନ୍ତି। ଏଥିରେ ମଧ୍ୟପ୍ରଦେଶ ଲୋକସମ୍ପର୍କ ବିଭାଗ ଓ ମୁଖ୍ୟ ନିର୍ବାଚନ ଅଧିକାରୀ ସୋସିଆଲ ମିଡିଆ ‘ଏକ୍ସ’ରେ ଏକ ଫଟୋ ଅପଲୋଡ କରିଛନ୍ତି। ଯାହା ଏବେ ଭାଇରାଲ ହୋଇଯାଇଛି। 

ନିର୍ବାଚନ ଅଧିକାରୀ ସୋସିଆଲ ମିଡିଆ ପେଜରେ ଜଣେ ମହିଳା ପୋଲିଂ ଅଧିକାରୀଙ୍କ ଫୋଟ ଅପଲୋଡ କରିଛନ୍ତି ।  ଯେଉଁଥିରେ କର୍ତ୍ତବ୍ୟ ପଥ ପର ବଢତେ କଦମ, ମତଦାନ କରାନେ ଚଲେହମ.. ଉଲ୍ଲେଖ ରହିଛି। ଏହି ପୋଷ୍ଟ ଏବେ ଭାଇରାଲ ହେଉଥିବା ବେଳେ ଲୋକେ ମଜାଦାର କମେଣ୍ଟସ୍ ମଧ୍ୟ ଦେଉଛନ୍ତି। ଏଥିରେ ଜଣେ ନେଟିଜେନ ସୋସିଆଲ ମିଡିଆ ପୋଷ୍ଟ ଦେଖି ‘ନିର୍ବାଚନ ଅଧିକାରୀଙ୍କ ଉପରେ କଳିଯୁଗର ପ୍ରଭାବ ବୋଲି’ ଉଲ୍ଲେଖ କରିଛନ୍ତି। 

लोकसभा निर्वाचन - 2024
---
कर्तव्‍य पथ पर बढ़ते कदम
मतदान कराने चले हम...

छिंदवाड़ा जिले में मतदानकर्मी चुनावी ड्यूटी के लिए रवाना।@rajivkumarec@ECISVEEP#LokSabhaElections2024 #GeneralElections2024 #ChunavKaParv #DeshKaGarv pic.twitter.com/TufD5jmsaZ

— Chief Electoral Officer, Madhya Pradesh (@CEOMPElections) April 18, 2024

ତେବେ ସୋସିଆଲ ମିଡିଆରେ ଭାଇରାଲ ହେଉଥିବା ପୋଲିଂ ଅଧିକାରୀ ସୁଶିଳା କନେଶ ଓ ସେ ଛିନ୍ଦୱାଡା ଯୋଗାଣ ବିଭାଗରେ ସହାୟକ ଗ୍ରେଡ-୩ ପଦବୀରେ ଅବସ୍ଥାପିତ ଥିବା ଜଣାପଡିଛି। ଏହି ପୋଷ୍ଟକୁ ଦେଖି ଜଣେ ୟୁଜର ‘ଏବେ ମୁଁ ଭୋଟ ଦେବି’ ବୋଲି ଉଲ୍ଲେଖ କରିଥିବା ବେଳେ ଆଉ ଜଣେ ‘ନିର୍ବାଚନ ଆୟୋଗ ଗ୍ଲାମରକୁ ଛାଡି ନିରପେକ୍ଷ ନିର୍ବାଚନ ଉପରେ ଧ୍ୟାନ ଦିଅନ୍ତୁ’ ବୋଲି ଉଲ୍ଲେଖ କରିଛନ୍ତି। ଏପ୍ରିଲ ୧୯ରେ ଅନୁଷ୍ଠିତ ହେବାକୁ ଥିବା ପ୍ରଥମ ପର୍ଯ୍ୟାୟ ମତଦାନରେ ମଧ୍ୟପ୍ରଦେଶର ସିଦ୍ଧି, ସହଡୋଲ, ଜବଲପୁର, ମଣ୍ଡଲା, ବାଲାଘାଟ ଓ ଛିନ୍ଦୱାଡାରେ ଭୋଟ ଗ୍ରହଣ ଅନୁଷ୍ଠିତ ହେବ। 

ପ୍ରଥମ ପର୍ଯ୍ୟାୟ ନିର୍ବାଚନରେ ପ୍ରଦେଶର ସମସ୍ତ ୬ ଆସନରେ ଶୁକ୍ରବାର ସକାଳ ୭ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଭୋଟଗ୍ରହଣ ହେବ। ଭୋଟଗ୍ରହଣ ଆରମ୍ଭର ଦେଢଘଣ୍ଟା ପୂର୍ବରୁ ସକାଳ ସାଢେ ୫ଟାରେ ମକପୋଲ ପ୍ରକ୍ରିୟା ଅନୁଷ୍ଠିତ ହେବ। ଏହି ପ୍ରକ୍ରିୟାରେ ପାର୍ଥୀ ଅଥବା ତାଙ୍କଦ୍ୱାରା ନିଯୁକ୍ତ ଏଜେଣ୍ଟଙ୍କ ଉପସ୍ଥିତିରେ ହେବ। ଯଦି ନିର୍ଦ୍ଧାରିତ ସମୟ ମଧ୍ୟରେ ପ୍ରାର୍ଥୀ ଅଥବା ତାଙ୍କ ଏଜେଣ୍ଟ ଭୋଟଗ୍ରହଣ କେନ୍ଦ୍ରରେ ଉପସ୍ଥିତ ନଥାନ୍ତି ତେବେ ତାଙ୍କ ଲାଗି ୧୫ ମିନିଟ୍ ଅପେକ୍ଷା କରାଯିବ। ସର୍ବନିମ୍ନ ୫୦ଟି ଭୋଟ ଦ୍ୱାରା ମକପୋଲ ଆୟୋଜିତ ହେବ।