scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଦ୍ବିତୀୟ ସ୍ତ୍ରୀକୁ ପିଟି ମାରିଦେଲା, ମୃତଦେହକୁ ଲୁଚାଇ ରଖିଥିଲା : ହତ୍ୟାକାରୀକୁ ଖୋଜୁଛି ପୋଲିସ

19/02/2020 at 11:21 AM

ଉଦଳା ୧୯।୨: ସ୍ବାମୀ କରିଥିଲେ ଦ୍ବିତୀୟ ବିବାହ । ଉଭୟ ସ୍ବାମୀ-ସ୍ତ୍ରୀଙ୍କ ମଧ୍ୟରେ ଝଗଡା ହେଉଥିଲା । ଏହି ଝଗଡା ଏତେ ଉଗ୍ର ରୂପ ନେଲା ଯେ, ଦ୍ବିତୀୟ ସ୍ତ୍ରୀକୁ ପିଟି ପିଟି ମାରିଦେଲା ସ୍ବାମୀ । ଘଟଣା ଲୁଚାଇବାକୁ ଯାଇ ଗୋଟିଏ ଦିନ ମୃତଦେହକୁ ଘରେ ଲୁଚାଇ ରଖିଥିଲେ । ଖବର ପାଇ ପୋଲିସ ମୃତଦେହକୁ ଉଦ୍ଧାର କରିଛି । ଅଭିଯୋଗରେ ଶ୍ବଶୁର ଘର ଲୋକଙ୍କୁ ଥାନାରେ ଅଟକ ରଖିଥିବାବେଳେ ସ୍ବାମୀ ଫେରାର ହୋଇଯାଇଛି । ଏଭଳି ଘଟଣା ଘଟିଛି ଶରତ ଥାନା ଅଞ୍ଚଳରେ । 

ରୁଗୁଡି ଗ୍ରାମର ଗୁରା ସାଏ ପୂର୍ବରୁ ଜଣେ ମହିଳାଙ୍କୁ ବିବାହ କରିଥିବାବେଳେ ଦୁଇ ବର୍ଷ ପୂର୍ବେ ଦେବାନବାହାଳି ଗ୍ରାମର ଜିରେ ସାଏକୁ ଦ୍ବିତୀୟ ବିବାହ କରିଥିଲେ । ବିବାହ ପରଠାରୁ ଉଭୟଙ୍କ ମଧ୍ୟରେ ଝଗଡା ହେଉଥିଲା । ଗତ ରବିବାର ରାତିରେ ଗୁରା ସାଏ ଏବଂ ତାଙ୍କ ଦ୍ବିତୀୟ ସ୍ତ୍ରୀ ଜିରେ ସାଏ ମଧ୍ୟରେ ଝଗଡା ହୋଇଥିଲା । ସୋମବାର ଦିନ ଏହି ଘଟଣାକୁ କେନ୍ଦ୍ର କରି ଜିରେକୁ ଗୁରା ଏକ ବାଡିରେ ପିଟି ପିଟି ମାରି ଦେବା ପରେ ମୃତଦେହକୁ ଘରେ ଲୁଚାଇ ରଖିଥିଲା । ଏହାପରେ ସେ ସେଠାରୁ ଫେରାର ହୋଇଯାଇଥିଲେ ।

ତେବେ ଗତକାଲି ମୃତକ ଜିରେର ପରିବାର ଲୋକେ ଜାଣିବା ପରେ ଏ ନେଇ ଶରତ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହ ମୃତକର ଶ୍ବଶୁର, ଶାଶୁ ଏବଂ ସଉତୁଣୀକୁ ଥାନାରେ ଅଟକ ରଖି ତଦନ୍ତ ଜାରି ରଖିଛି । 

   Related Posts