କଟକ: ବିଫଳ ହେଲା ଅପହରଣ ଉଦ୍ୟମ। ଅପହରଣ କରି ନେଇଯାଉଥିବା ଦୁର୍ବୁତ୍ତଙ୍କ କବଜାରୁ ଖସିବାରେ ସଫଳ ହେଲେ ମହିଳା। ମାମଲାରେ ମହିଳାଙ୍କ ପକ୍ଷରୁ ଏତଲା । ସୂଚନା ଅନୁଯାୟୀ, ବୁଧବାର ବିଳମ୍ବିତ ରାତିରେ କଟକରୁ ଜଣେ ମହିଳାଙ୍କୁ ଅପହରଣ କରିବାକୁ ଚେଷ୍ଟା କରାଯାଇଥିଲା। ଏକ କାର୍ରେ ମହିଳାଙ୍କୁ ଚାରି ଜଣ ଦୁର୍ବୁତ୍ତ ଅପହରଣ କରିବାକୁ ଚେଷ୍ଟା କରୁଥିଲେ। ହେଲେ ଇନ୍ଫୋସିଟିଠାରେ କୌଶଳ କ୍ରମେ ମହିଳା ଜଣକ ଖସିବାରେ ସଫଳ ହୋଇଥିଲେ । ତେବେ ଘଟଣାକୁ ନେଇ ସେ ଇନ୍ଫୋସିଟି ଥାନାରେ ଏତଲା ଦେଇଛନ୍ତି ।
ଏହାପରେ ଇନ୍ଫୋସିଟି ଥାନା ପୋଲିସ ଲାଲବାଗ ଥାନା ପୋଲିସ ସହାୟତାରେ ମହିଳାଙ୍କ ଶ୍ବଶୁର ଘରକୁ ନେଇଥିଲେ। ହେଲେ ପୀଡ଼ିତାଙ୍କ ସୁରକ୍ଷା ଦୃଷ୍ଟିରୁ ତାଙ୍କୁ ମମତା ସର୍ଟ-ଷ୍ଟେ-ହୋମରେ ରଖାଯାଇଥିଲା । ଏହାପରେ ମହିଳାଙ୍କ ପକ୍ଷରୁ କଟକ ଲାଲବାଗ ଥାନାରେ ମଧ୍ୟ ଲିଖିତ ଅଭିଯୋଗ ହୋଇଛି। ଯେଉଁଥିରେ ଅପହରଣ ଘଟଣାକୁ ସଂପୂର୍ଣ୍ଣ ଉଲ୍ଲେଖ କରାଯାଇଥିବା ସୂଚନା ମିଳିଛି ।
ଆହୁରି ପଢ଼ନ୍ତୁ: ପୂଜା ଚାନ୍ଦାକୁ ନେଇ ଗଡିଲା ମୁଣ୍ଡ, ଗୋଷ୍ଠୀ ସଂଘର୍ଷରୁ ଜଣଙ୍କୁ ହତ୍ୟା
ଏହା ସହ ଶ୍ବଶୁର ଘରର କିଛି ସଦସ୍ୟଙ୍କ ଦ୍ୱାରା ନିର୍ଯ୍ୟାତିତ ହେଉଥିବା କଥା ମଧ୍ୟ ଅଭିଯୋଗରେ ଉଲ୍ଲେଖ କରାଯାଇଛି । ସେହିଭଳି ମହିଳାଙ୍କ ସହ ମମତା ସର୍ଟ-ଷ୍ଟେ-ହୋମ୍ର ସ୍ବେଚ୍ଛାସେବୀ ମଧ୍ୟ ଉପସ୍ଥିତ ଥିଲେ।