scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଅସହ୍ୟ ହେଲା ୠଣଦାତାଙ୍କ ଅତ୍ୟାଚାର, କୀଟନାଶକ ପିଇଦେଲେ ମହିଳା : କିଛି ଦିନ ପରେ ମିଳିଲା ସୁଇସାଇଡ୍ ନୋଟ୍

5/08/2023 at 4:29 PM

ଖଲ୍ଲିକୋଟ ୫: ମୋ ମୃତ୍ୟୁ ପାଇଁ ବାପଘର କିମ୍ବା ଶାଶୁଘର ଲୋକେ ଦାୟୀ ନୁହନ୍ତି, ମୋର ଆତ୍ମହତ୍ୟା ପାଇଁ ଦାଣ୍ଡ ଲୋକ ଦାୟୀ । ଦାଣ୍ଡ ଲୋକ ଟଙ୍କା ପଇସା ପାଇଁ ମୁଁ ମରିବାକୁ ଯାଉଛି । ଏହିଭଳି ଏକ କାଗଜରେ ଲେଖି ଛତ୍ରପୁର ଥାନା ଅଧିନ ବିଦ୍ୟାଧରନଗର ବାସିନ୍ଦା ବିଜୟ ମହାରଣାଙ୍କ ସ୍ତ୍ରୀ ପାର୍ବତୀ ମହାରଣା । କିଛି ଦିନ ତଳେ ସେ କୀଟନାଶକ ଔଷଧ ଖାଇ ଆତ୍ମହତ୍ୟା କରିଥିଲେ । ପରେ ଘଟଣାର ସତ୍ୟତା ଜଣାପଡିବା ପରେ ଏହି ଆତ୍ମହତ୍ୟା ପାଇଁ ୪ଜଣ ଦାୟୀ ବୋଲି ଛତ୍ରପୁର ଥାନାରେ ବିଜୟ ମହାରଣା ଏତଲା ଦେଇଛନ୍ତି । ଏହାସହ କେଉଁ କାରଣରୁ ତାଙ୍କ ସ୍ତ୍ରୀ ଆତ୍ମହତ୍ୟା କରିଛନ୍ତି ତାହା ଏତଲାରେ ଦର୍ଶାଇଛନ୍ତି ।

ସୂଚନାଯୋଗ୍ୟ ଯେ, ପାର୍ବତୀ ମହାରଣା କୌଣସି କାରଣରୁ ଛତ୍ରପୁର ଅଞ୍ଚଳର ୪ ଜଣଙ୍କ ଠାରୁ କିଛି ହାତ ଉଧାରି ଆଣିଥିଲେ । କିନ୍ତୁ ସେ ସଠିକ୍ ସମୟରେ ଏହାର ମୂଳ ଓ ସୁଧ ସେ ବାନ୍ଧିବା ପାଇଁ ଅସମର୍ଥ ହୋଇଥିଲେ । ଯାହାର ଫାଇଦା ନେଉଥିଲେ ଋଣ ଦେଇଥିବା ୪ ଜଣ ଏବଂ ସୁଧର ପରିମାଣ ଫାଇନ ଆକାରରେ ବଢେଇ ଦେଇଥିଲେ । ଏପରିକି ଘରକୁ ଆସି ମୋ ଅନୁପସ୍ଥିତିରେ ମୋ ସ୍ତ୍ରୀକୁ ଧମକ ଚମକ ଦେବାସହ ଟଣା ଓଟରା କରିବା ସହ ଅସଭ୍ୟ ଭାଷାରେ ଗାଳିଗୁଳଜ କରୁଥିଲେ । ଏପରିକି ଶାରୀରିକ ସମ୍ପର୍କ ରଖିବା ପାଇଁ ବାଧ୍ୟ କରିବା ସହ ଟଣା ଓଟରା କରିଥିଲେ ବୋଲି ଏତଲାରେ ଉଲ୍ଲେଖ କରିଛନ୍ତି ।  ଏପରିକି ଟଙ୍କା ସୁଝିବା ପାଇଁ ୪ ଜଣ ବାଧ୍ୟ କରିବାକୁ ଜୁଲାଇ ୨୯ରେ ମାନସିକ ଚାପ, ଶାରୀରିକ ଯନ୍ତ୍ରଣା ଓ ଋଣ ଭାର ସୁଝିନପାରିବା ସହ ଋଣଦାତାଙ୍କ ଅତ୍ୟାଚାର ଅସହ୍ୟ ହେବାରୁ କୌଣସି କୀଟନାଶକ ଔଷଧ ଖାଇଥିଲେ ପାର୍ବତୀ ।

ରାସ୍ତାରେ ଅଚେତ ଅବସ୍ଥାରେ ପ୍ରଥମେ ଛତ୍ରପୁର ମେଡିକାଲ ପରେ ବ୍ରହ୍ମପୁରରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ପରେ ସ୍ୱାମୀ ବିଜୟ ମହାରଣାଙ୍କ ସ୍ତ୍ରୀ ଆତ୍ମହତ୍ୟା ପାଇଁ କେଉଁମାନେ ଦାୟୀ ଜାଣିବାକୁ ପାଇଥିଲେ । ପାବର୍ତୀ ମୃତ୍ୟୁ ପୂର୍ବରୁ ଏକ ହାତଲେଖା ଚିଠି ଲେଖିଥିଲେ ।

ପରେ ଛତ୍ରପୁର ଥାନାରେ ଅଭିଯୋଗ କ୍ରମେ ୫୨୬/୨୩ ମାମଲା ରୁଜୁ ହେବା ସହ ହାତ ଲେଖା ଚିଠିକୁ ପୋଲିସ ଜବତ କରି ତଦନ୍ତ ଜାର ରିଖିଛି ବୋଲି ଥାନା ଅଧିକାରୀ ସତ୍ୟରଞ୍ଜନ ପ୍ରଧାନ ସୂଚନା ଦେଇଛନ୍ତି । ଅନ୍ୟପକ୍ଷରେ ମୋ ସ୍ତ୍ରୀର ମୃତ୍ୟୁ ପାଇଁ ଦାୟୀ ଥିବା ୪ ଜଣଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି ସ୍ୱାମୀ ବିଜୟ ମହାରଣା ।

You Can Read :

   Related Posts