suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ଭିଜିଲାନ୍ସ ଜାଲରେ ବରିଷ୍ଠ କିରାଣୀ, ଲାଞ୍ଚ ନେବାବେଳେ ମାଡ଼ି ବସିଲେ ଅଧିକାରୀ
  • ||
  • ନିଶ୍ଚିନ୍ତକୋଇଲି: ଜୁଏଲାରୀ ଦୋକାନରୁ ଚୋରି, ତାଲା ଭାଙ୍ଗି ଲୁଟିନେଲେ ୧୯ ଲକ୍ଷରୁ ଅଧିକ ସୁନା ଗହଣା
  • ||
  • ପୁରୀ: ଶ୍ରୀମନ୍ଦିରରେ ଶ୍ରୀଜିଉଙ୍କ ନୀତି ବିଳମ୍ବ, ଦର୍ଶନ ନପାଇ ଭକ୍ତ ଅସନ୍ତୋଷ
  • ||

ଯୌତୁକ ପାଇଁ ଗଲା ନବବଧୂର ଜୀବନ ; ଶାଶୂଘରଲୋକ ହତ୍ୟା କରିଥିବା ଅଭିଯୋଗ

12/01/2019 at 10:11 AM

ମହାକାଳପଡା ୧୨|୧: ଯୌତୁକ ପାଇଁ ନବବଧୂକୁ ହତ୍ୟା ଅଭିଯୋଗ ହୋଇଛି । କେନ୍ଦ୍ରାପଡା ଜିଲ୍ଲା ମହାକାଳପଡା ଥାନା ଜାଲକଣା ଗାଁରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି । ମୃତକ ବାଲିସାହି ଗାଁର ବିଦ୍ୟାଧର ନାୟକଙ୍କ ଝିଅ ହରପ୍ରିୟା ।

ସୂଚନା ଅନୁସାରେ ସେ ୨୦୧୭ ଜୁନ୍ ମାସରେ ଜାଲକଣା ଗାଁର ହିମାଦ୍ରୀ ପାଇଟାଳଙ୍କୁ ବିବାହ କରିଥିଲେ । ନୂଆ କରି ଘର ସଂସାର କରିବା ଆଶା ନେଇ ଯାଇଥିବା ହରପ୍ରିୟାଙ୍କ ସବୁ ଖୁସି ମଉଳି ଯାଇଥିଲା । ବାହାଘର ପରଠାରୁ ହିଁ ତାଙ୍କ ଉପରେ ଅତ୍ୟାଚାର ଆରମ୍ଭ ହୋଇଯାଇଥିଲା । ଅଧିକ ଯୌତୁକ ଦାବି କରି ସ୍ବାମୀ, ଶାଶୁ ଶ୍ବଶୁର ଓ ଦେଢଶୁର ଅକଥନୀୟ ନିର୍ଯାତନା ଦେଉଥିବା ଅଭିଯୋଗ ହୋଇଛି  । ବାରମ୍ବାର ବାପ ଘରୁ ଟଙ୍କା ଆଣିବାକୁ ତାଙ୍କୁ ବାଧ୍ୟ କରାଯାଉଥିଲା ।

ଗତକାଲି ସକାଳେ ହଠାତ୍ ହରପ୍ରିୟା ଘରକୁ ଫୋନ୍ କରି କହିଥିଲେ ମୋତେ ଆସି ନେଇଯାଅ ନହେଲେ ଏମାନେ ମୋତେ ମାରିଦେବେ । ତାପରେ ଖବର ଆସିଲା ତୁମ ଝିଅ ଫ୍ୟାନରେ ଶାଢି ଲଗାଇ ଆତ୍ମହତ୍ୟା କରିଛି । ତେବେ ଝିଅର ଏପରି ମୃତ୍ୟକୁ ସହଜରେ ଗ୍ରହଣ କରିପାରୁନାହାନ୍ତି ପରିବାର ଲୋକ । ଝିଅକୁ ହତ୍ୟା କରାଯାଇଥିବା ବାପଘର ଲୋକ ଅଭିଯୋଗ କରିଛନ୍ତି । ଘଟଣା ପରେ ଶାଶୁ ଘର ଲୋକ ଫେରାର ହୋଇଯାଇଥିଲେ । ତେବେ ଗାଁ ଲୋକ ମିଶି ଶାଶୁ ଶ୍ବଶୁର ଓ ଦେଢଶୁରକୁ ଧରି ପୋଲିସର ଜିମା ଦେଇଥିବାବେଳେ ସ୍ବାମୀ ଏବେବି ଫେରାର ଅଛି । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି ।

   Related Posts