ରଣପୁର ୧୦/୬: ମହିଳାଙ୍କୁ ତଣ୍ଟିକାଟି ବୀଭତ୍ସ ହତ୍ୟା । ରକ୍ତଜୁଡୁବୁଡୁ ଅବସ୍ଥାରେ ମୃତଦେହ ଉଦ୍ଧାର । ନୟାଗଡ ରଣପୁର ଥାନା କୋଟଣିଶିଳା ଗାଁରେ ଚାଞ୍ଚଲ୍ୟ । ମୃତକ ସ୍ଥାନୀୟ ଅଞ୍ଚଳର ନମିତାରାଣୀ ବେହୁରା । ନମିତାଙ୍କ ସ୍ବାମୀ ଶରତ ଚନ୍ଦ୍ର ବେହୁରା ନୂଆପଡାରେ ସିଆରପିଏଫରେ ଚାକିରୀ କରିଛନ୍ତି । ପିଲାମାନେ ବାହାରେ ରହୁଥିବାରୁ ନମିତା ଘରେ ଏକୁଟିଆ ରହୁଥିଲେ । ଯାହାର ସୁଯୋଗ ନେଇ ରବିବାର ରାତିରେ କେହି ଦୁର୍ବୃତ୍ତ ଗଳାକାଟି ହତ୍ୟା କରି ଫେରାର ହୋଇଯାଇଛି ।
ସୋମବାର ସକାଳୁ ଘରର କବାଟ ଖୋଲିଥିବାବେଳେ ନମିତା ରକ୍ତ ଜୁଡୁବୁଡୁ ଅବସ୍ଥାରେ ପଡିଥିବା ଦେଖି ପୋଲିସକୁ ଖବର ଦେଇଥିଲେ ଗାଁଲୋକ । ରଣପୁର ଥାନା ଅଧିକାରୀ ଓ ଶରଣକୂଳ ଏସଡିପିଓ ମୃତଦେହ ଜବତ କରି ତଦନ୍ତ କରୁଛନ୍ତି । ମୃତ ମହିଳାଙ୍କ ଜ୍ବାଇଁକୁ ସନ୍ଦେହରେ ଅଟକ ରଖି ପଚରାଉଚରା କରୁଛି ପୋଲିସ ।
