ଉମରକୋଟ: ନୃତ୍ୟ କଳାକାରଙ୍କୁ ଘର ଭିତରେ ପଶି ଛୁରା ମାଡ଼ କରି ଚାଲିଗଲେ ତା ପ୍ରେମିକ । ଉମରକୋଟ UV 52 ନମ୍ବର ଗ୍ରାମରେ ଚାଲିଥିବା କାଳୀ ପୂଜାରେ ନୃତ୍ୟ ପରିବେଷଣ କରିବାକୁ ପୁରୀ ରୁ ଆସିଥିବା ଜୟ ମାଁ କାଲୀ ନାମକ ଏକ ଡ୍ୟାନ୍ସ ଗ୍ରୁପ ଆସିଥିବା ଜଣେ ଡ୍ୟାନ୍ସରକୁ ଛୁରା ମାଡ଼ ।

ଆହୁରି ପଢ଼ନ୍ତୁ: ପାଣି ଟାଙ୍କିରୁ ମିଳିଲା ଦୁଇଟି କଙ୍କାଳ, ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ

ସୂଚନା ଅନୁଯାୟୀ, ଏହି ଡ୍ୟାନ୍ସଗ୍ରୁପ ଗତକାଲି ରାତିରେ ରାଇଘର ଅଞ୍ଚଳର ପୂଜାରେ ନୃତ୍ୟ ସରିବା ପରେ ଆଜି ଉମରକୋଟରେ ଥିବା ରାଜସ୍ଵ ନିରୀକ୍ଷକଙ୍କ କାର୍ଯ୍ୟାଳୟ ପଛପଟ ଏକ ଘରେ ରହୁଥିଲେ । ଏହି ସମୟ ରେ ଲିପ୍ସା ନାୟକ ନାମକ ଜଣେ ଡ୍ୟାନ୍ସରକୁ ତା ପ୍ରେମିକ ରୋହିତ ସିଂ ପାଚେରୀ ଡେଇଁ  ଘର ଭିତରେ ପଶି ଲିପ୍ସାକୁ ଛୁରା ମାଡ଼ କରି କୁଆଡେ ଫେରାର ହୋଇଯାଇଛି । ତେବେ ରୋହିତର ଘର ବିହାର ହୋଇଥିବା ବେଳେ ଦୁଇ ବର୍ଷ ପୂର୍ବରୁ ସେ ଲିପ୍ସାଙ୍କୁ ଉତ୍ତର ପ୍ରଦେଶରେ ଏକ କାର୍ଯ୍ୟକ୍ରମ ରେ ଦେଖିଥିଲା ଓ ଲିପ୍ସା ସହ ପ୍ରେମ ସମ୍ପର୍କ ଗଢି ଉଠିଥିଲା । ସେବେଠାରୁ ଲିପ୍ସା ଜୁଆଡେ ଯାଆନ୍ତି ରୋହିତ ସେଠାକୁ ଯାଉଥାଏ ।

ବର୍ତ୍ତମାନ ଉମରକୋଟ ଆସି ଏପରି କାଣ୍ଡ ଘଟାଇଛି ବୋଲି ତାଙ୍କ ସହ କଳାକାର ମାନେ କହିଛନ୍ତି । ଏ ସଂପର୍କରେ ଉମରକୋଟ ଥାନାରେ ଏକ ମାମଲା ରୁଜ୍ଜୁ ହୋଇଛି । ପୋଲିସ ମେଡିକାଲରେ ପହଞ୍ଚି ତଦନ୍ତ ଆରମ୍ଭ କରିଛି । ଅନ୍ୟପକ୍ଷେ ଉମରକୋଟର ଅଜୟ ହାଲଦାର୍ ନାମକ ଜଣେ ବ୍ୟକ୍ତି ବିଭିନ୍ନ ସମୟରେ ଭିନ୍ନ ଭିନ୍ନ ସ୍ଥାନରୁ ଝିଅ ମାନଙ୍କୁ ଆଣି ଏହି ନୃତ୍ୟ କାର୍ଯ୍ୟରେ ବ୍ୟବହାର କରୁଥିବା ଜଣା ପଡିଛି । ଏ କଥା ସେ ନିଜେ ସ୍ବୀକାର କରିଛନ୍ତି । ଏଥିପାଇଁ ତାଙ୍କ ପାଖରେ କୌଣସି ପ୍ରଶାସନିକ ଅନୁମତି ନଥିବା ସେ ମାନିଛନ୍ତି ।