AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡା:୮ ଦିନ ପରେ ବି ନବ ଦାସଙ୍କ ହତ୍ୟା ଘଟଣାରେ ପୋଲିସର ହାତ ଖାଲି
  • ||
  • ଭୂକମ୍ପରେ ଥରିଲା ତୁର୍କୀ, ରିକ୍ଟର ସ୍କେଲରେ ୭.୮ର ତ୍ରୀବତା ରେକର୍ଡ
  • ||

ଦିଅର ସହ ମିଶି ସ୍ଵାମୀକୁ ହତ୍ୟା,ପରକୀୟା ପ୍ରେମଥିଲା ହତ୍ୟାପଛର କାରଣ

18/01/2019 at 8:40 PM

ଖଗଡ଼ିଆ ୧୮/୧- ବିହାର ଖଗଡ଼ିଆରେ ଘଟିଛି ଅଭାବନୀୟ ଘଟଣା । ଦିଅର ସହ ମିଶି ସ୍ଵାମୀକୁ ହତ୍ୟା ଘଟଣାରେ ମହିଳାଙ୍କୁ  ଓ ତାଙ୍କ ଦିଅରକୁ ଗିରଫ କରିଛି ପୋଲିସ ।

ବିହାରର ଖଗଡ଼ିଆ ଅଂଚଳରେ ଘଟିଥିବା ଏହି ଚାଂଚଲ୍ୟକର ଘଟଣାରେ ନିଜ ସ୍ତ୍ରୀର କାଣ୍ଡକାର୍ଖାନାର ଫର୍ଦ୍ଦାଫାଶ କରିଛି ପୋଲିସ । ଏହି ଘଟଣା ସହ ମୃତ ଯୁବକଙ୍କ ସାନଭାଇ ସଂପୃକ୍ତ ଥିବା ପୋଲିସ ଅନୁସନ୍ଧାନରୁ ଜାଣିପାରିଛି ।

ମୃତ ଦୀପକ କୁମାରଙ୍କ ଶବ ଗୁଟଖା ବ୍ୟାଗରେ ପ୍ୟାକିଂ ହୋଇ ଘରଠାରୁ କିଛି ଦୂରରେ ପଡ଼ିଥିଲା । ଏହି ଶବକୁ ଜବତ କରିବାପରେ ପୋଲିସର ନିଦ ହଜିଯାଇଥିଲା । ପୋଲିସ ଘଟଣାର ଫର୍ଦ୍ଦାଫାଶ କରିବାକୁ ମୃତ ଦୀପକଙ୍କ ସ୍ତ୍ରୀ ରୁବି ଓ ତାଙ୍କ ସାନଭାଇକୁ ଆଣି ପଚରାଉଚୁରା କରିବା ପରେ ସତ ସାମ୍ନାକୁ ଆସିଥିଲା ।

ମୃତ ଦୀପକ କୁମାର ସ୍ଥାନୀୟ ଅଂଚଳରେ ଜଣେ ବ୍ୟବସାୟୀ ଥିଲା । ଦୀପକଙ୍କ ସାନଭାଇ ଅବିନାଶ ଦିଲ୍ଲୀରେ ଏକ ଘୋରେଇ କଂପାନୀରେ ଚାକିରୀ କରୁଥିଲା । ରୁବି ଓ ଦୀପକ ଫୋନରେ ଅନେକ ସମୟ କଥାବାର୍ତ୍ତା ହେବାଦ୍ଵାରା ପ୍ରେମ ହୋଇଯାଇଥିଲା । ରୁବି ଦୀପକକୁ ଛାଡ଼ି ଅବିନାଶକୁ ପାଇବାକୁ ଇଚ୍ଚା କରୁଥିଲା । ଏହିକଥା ଅବିନାଶକୁ କହିବା ପରେ ଅବିନାଶ ବି ସବୁଦିନ ପାଇଁ ନିଜର କରିବାକୁ କଥାଦେଇଥିଲା । କିନ୍ତୁ ମଝିରେ ଦୀପକଥିଲା ପ୍ରତିବନ୍ଧକ । ରୁବି ଦୀପକକୁ ହତ୍ୟା କରିବାକୁ ଅବିନାଶକୁ କହିବା ପରେ ସେ ରାଜି ହୋଇଯାଇଥିଲା ।

ଘଟଣାଦିନ ଅବିନାଶ ରାତି ୧୨ଟାରେ ଆସି ଘରେ ପହଂଚିଥିଲା । ଅବିନାଶ ଦୀପକକୁ ହାତୁଡ଼ିରେ ପିଟି ନିର୍ମମଭାବେ ହତ୍ୟା କରିଥିବା ପୋଲିସ ଆଗରେ ସ୍ଵୀକାର କରିଛି । ତା ପରେ ସେମାନେ ଗୁଟଖା ବ୍ୟାଗରେ ପୁରାଇ ଘରଠାରୁ କିଛି ଦୂରରେ ପକାଇଦେଇଥିଲେ । ନିଜର ଅପରାଧ ଲୁଚାଇବାକୁ ଅବିନାଶ ରାତିରେ ପୁଣି ଦିଲ୍ଲୀ ପଳାଇଯାଇଥିଲା ।

ପୋଲିସ ପ୍ରକୃତ ଆସାମୀକୁ ଧରିବାରେ ବିଫଳ ହୋଇଥିଲା । ଶେଷରେ ପୋଲିସର ରୁବି ଉପରେ ସନ୍ଦେହ ଆସିବାରୁ ଥାନାକୁ ଆଣି ପଚରାଉଚୁରା କରିଥିଲା  । ଥାନାରେ ରୁବି ସବୁ ସତକଥା ମାନିଯାଇଥିଲା ।

ଏହି ଘଟଣାରେ ସଂପୃକ୍ତଥିବା  ଭାଉଜ-ଦିଅରକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି ।

   Related Posts