ସୋର ୧୧।୩: ରଙ୍ଗ ଖେଳକୁ ନେଇ ମହିଳାଙ୍କୁ ଅର୍ଦ୍ଧ ଉଲଗ୍ନ କରି ଆକ୍ରମଣ । ଏନେଇ ବାଲେଶ୍ବର ଜିଲ୍ଲା ସୋର ଥାନାରେ ଅଭିଯୋଗ ହୋଇଛି ।
ସୂଚନାଯୋଗ୍ୟ ଯେ, ବାଲେଶ୍ଵର ଜିଲ୍ଲା ଖରାସାହାପୁର ଗ୍ରାମର ହୋଲିରେ ଜିତୁ ମହାଳିକକୁ ଫିରିକା ମହାଳିକ ରଙ୍ଗ ମାରିଥିଲା । ରଙ୍ଗ ମାରିବା ସମୟରେ ଜିତୁ ପିନ୍ଧିଥିବା ରୂପାର ବ୍ରେସଲେଟଟି ନଥିବାରୁ ଜିତୁ ଫିରିକାକୁ ପଚାରିଥିଲେ । ଏଥିରେ ଦୁଇ ଜଣଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ସେହି ବାଟ ଦେଇ ମମତା ମଲିକଙ୍କର ସ୍ଵାମୀ ବାପି ଯାଉଥିବା ବେଳେ ସେ ବ୍ରେସଲେଟ ଜିତୁ କାହିଁକି ନେବ ବୋଲି କହିଥିଲେ । ଏଥିରେ ଉତକ୍ଷିପ୍ତ ହୋଇ ଜିତୁ ସମେତ ତାଙ୍କ ଭାଇମାନେ ମିଳିତ ଭାବେ ମମତାଙ୍କର ସ୍ଵାମୀ ବାପିଙ୍କୁ ଆକ୍ରମଣ କରିଥିଲେ । ଏହା ଦେଖି ମମତା ସ୍ବାମୀଙ୍କୁ ଆକ୍ରମଣକାରୀଙ୍କ କବଳରୁ ଉଦ୍ଧାର କରିବା ବେଳେ ମମତାଙ୍କୁ ବାଇକରୁ ଟାଣି ତଳେ ପକାଇ ଅର୍ଦ୍ଧ ଉଲଗ୍ନ କରି ମାଡ ମାରିଥିଲେ ଯାହାର ଭିଡିଓ ଏବେ ମୋବାଇଲକୁ ମୋବାଇଲ ଘୁରି ବୁଲୁଛି । ପୋଲିସ ସେହି ଭିଡିଓକୁ ଆଧାର କରି ତଦନ୍ତ ଆରମ୍ଭ କରିଛି ।
