Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଏଣିକି ଆଉ ବଜାରରେ ବିକ୍ରି ହେବନାହିଁ ହଲ୍ ମାର୍କ ନଥିବା ସୁନାଗହଣା

30/11/2019 at 12:12 PM

ନୂଆଦିଲ୍ଲୀ ୩୦।୧୧: ଏଣିକି ବଜାରରେ ମିଳିବ କେବଳ ହଲ୍ ମାର୍କ ସୁନା । ୧୫ ଜାନୁଆରୀ ୨୦୨୧ ପରଠାରୁ ସୁନା ଗହଣା ଉପରେ ହଲ୍ ମାର୍କ ରହିବ । ତେଣୁ ହଲ୍ ମାର୍କ ଦେଖି ଗ୍ରାହକ ସୁନା ଗହଣା କିଣିପାରିବେ । ଏନେଇ ଆସନ୍ତା ୧୫ ଜାନୁଆରୀ ୨୦୨୦ରେ ବିଜ୍ଞପ୍ତି ପ୍ରକାଶ ପାଇବ । କିନ୍ତୁ ଏହି ନୂଆ ନିୟମ ଲାଗୁ କରିବାକୁ ଗୋଟିଏ ବର୍ଷ ସମୟ ଦିଆଯିବ । ଯାହାଦ୍ବାରା ଏହି ସମୟସୀମା ମଧ୍ୟରେ ଦୋକାନୀ ପୁରୁଣା ସୁନା ଗହଣା ଷ୍ଟକ୍ ଶେଷ କରିପାରିବେ ବୋଲି କେନ୍ଦ୍ରମନ୍ତ୍ରୀ ରାମବିଳାସ ପାଶୱାନ କହିଛନ୍ତି ।

ଏବେ ଦେଶରେ ୮୭୭ଟି ହଲ୍ ମାର୍କିଂ କେନ୍ଦ୍ର ରହିଥିଲେ ମଧ୍ୟ ମାତ୍ର ୪୦ ପ୍ରତିଶତ ଗହଣା ଉପରେ ହଲ୍ ମାର୍କିଂ କରାଯାଉଛି । ସାଧାରଣତଃ ସୁନା ଗହଣା କିଣୁଥିବା ବେଳେ ଅନେକ ସମୟରେ ଲୋକେ ଠକାମିର ଶିକାର ହୋଇଥାନ୍ତି । ଏପରିକି ସୁନା ନ ଚିହ୍ନି ପାରି ଲୋକେ ଅସଲି ସୁନା ବଦଳରେ ନକଲି ସୁନାଗହଣା କିଣିଥାନ୍ତି । କିନ୍ତୁ କେନ୍ଦ୍ର ସରକାରଙ୍କ ଏଭଳି ପଦକ୍ଷେପ ଦ୍ବାରା ସୁନା କିଣିବା ବେଳେ ଆଉ ଲୋକେ ଠକାମିର ଶିକାର ହେବେନାହିଁ ।

ସୂଚନାଯୋଗ୍ୟ ଯେ, ଦେଶର ୨୩୪ ଜିଲ୍ଲାରେ ୮୭୭ ହଲ୍ ମାର୍କ କେନ୍ଦ୍ର ରହିଛି । କେବଳ ୨୬,୦୧୯ ଗହଣା ଦୋକାନୀ ହଲ୍ ମାର୍କ ରଖିଛନ୍ତି । ଦେଶବ୍ୟାପୀ ଛୋଟ ବଡ ପ୍ରାୟ ୬ଲକ୍ଷ ସୁନା ଦୋକାନୀ ରହିଛି ।

   Related Posts