suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଧ୍ୟପ୍ରଦେଶ ମୁରୈନାରେ ଦୁର୍ଘଟଣା, ଏୟାରଫୋର୍ସର ସୁଖୋଇ-୩୦ ଓ ମିରାଜ୍-୨୦୦୦ ଫାଇଟର ଜେଟ୍ କ୍ରାସ୍
  • ||
  • ଜେରୁଜେଲମ୍‌ରେ ପ୍ରାର୍ଥନାସ୍ଥଳରେ ଆତଙ୍କୀ ହମଲା, ଗୁଳିମାଡ଼ରେ ୮ମୃତ
  • ||
  • କେନ୍ଦୁଝର: ବୋଲେରୋ ଓ ଅଟୋ ମୁହାଁମୁହିଁ ଧକ୍କା, ୩ ମୃତ ଗୁରୁତର
  • ||

ଶୀତରେ ଥରୁଛି ସାରା ଓଡିଶା : ଆଗକୁ ବି ଖସିବ ପାରଦ, ରହିଛି ଘନ କୁହୁଡି ସମ୍ଭାବନା

3/12/2020 at 8:13 AM

ଭୁବନେଶ୍ୱର,୦୩/୧୨:  ରାଜ୍ୟରେ ଶୀତ ପ୍ରକୋପ ବଢିବାରେ ଲାଗିଛି । ଆଭ୍ୟନ୍ତରୀଣରୁ ଆରମ୍ଭ କରି ଉପକୂଳ ଓଡ଼ିଶା ପର୍ଯ୍ୟନ୍ତ କାଲୁଆ ପବନ ବହିଲାଣି । ଏଭଳି ଆଉ କିଛି ଦିନ ଧରି ଶୀତ ପ୍ରକୋପ ଜାରି ରହିବ । ଯଦିଓ ଶୀତ ବଢ଼ିବ ନାହିଁ, କିନ୍ତୁ ପାଗରେ କୌଣସି ପରିବର୍ତ୍ତନ ହେବ ନାହିଁ ବୋଲି ଅନୁମାନ କରିଛି ପାଣିପାଗ ବିଭାଗ ।

ଏବେ ରାଜ୍ୟରେ ଶୀତ ପ୍ରକୋପ ସାମାନ୍ୟ ଅଧିକ ଅଛି । ମଙ୍ଗଳବାର ରାତିରେ ସୋନପୁରରେ ସର୍ବନିମ୍ନ ତାପମାତ୍ରା ୮.୮ ଡିଗ୍ରୀ ସେଲସିୟସ୍‌ ଥିବାବେଳେ ଝାରସୁଗୁଡ଼ା ୧୨.୯, ସୁନ୍ଦରଗଡ଼ ୧୩, ବଲାଙ୍ଗିର ୧୪, ବୌଦ୍ଧ ୧୪, କଟକ ୧୪.୨, ଟିଟିଲାଗଡ଼ ୧୪.୫, ସମ୍ବଲପୁର ୧୪.୬, ଚାନ୍ଦବାଲି ୧୪.୬, ଭୁବନେଶ୍ୱର ୧୫ ଡିଗ୍ରୀ, ଫୁଲବାଣୀ ୯ ଡିଗ୍ରୀ, ଅନୁଗୁଳ ୧୦, ଦାରିଙ୍ଗିବାଡ଼ି ୧୦.୫, ଭବାନୀପାଟଣା ୧୧.୫, କେନ୍ଦୁଝର ୧୨.୨, ତାଳଚେର ୧୨.୩, ବାରିପଦା ୧୨.୫, କୋରାପୁଟ ୧୨.୬ ଡିଗ୍ରୀ ସେଲସିୟସ୍‌ ଥିଲା ।

ପାଣିପାଗ ବିଭାଗର ସୂଚନାନୁସାରେ, ଏବେ ପାଗ ଶୁଖିଲା ରହିଛି । ଦୁଇଦିନ ଧରି ଆଭ୍ୟନ୍ତରୀଣ ଓଡ଼ିଶାରେ କୁହୁଡ଼ି ସମ୍ଭାବନା ଅଛି । ଶୀତ ପ୍ରକୋପରେ କୌଣସି ପରିବର୍ତ୍ତନ ହେବ ନାହିଁ। କଳାହାଣ୍ଡି, କନ୍ଧମାଳ, ସୋନପୁର, ସୁନ୍ଦରଗଡ଼, ଝାରସୁଗୁଡ଼ା, କେନ୍ଦୁଝର ଜିଲ୍ଲାରେ ମଧ୍ୟମ ଧରଣର କୁହୁଡ଼ି ସମ୍ଭାବନା ଅଛି ।

ଗୁରୁବାର ରାତି ଓ ଶୁକ୍ରବାର ସକାଳେ ସୁନ୍ଦରଗଡ଼, କେନ୍ଦୁଝର, ମୟୂରଭଞ୍ଜ, ଢେଙ୍କାନାଳ ଜିଲ୍ଲାରେ ମଧ୍ୟମ ଧରଣର କୁହୁଡ଼ି ଘେରିପାରେ । ଏଥିଯୋଗୁ ସକାଳ ସମୟରେ ଯାତାୟାତ କରୁଥିବା ଗାଡ଼ି ଚାଳକ ସତର୍କତା ଅବଲମ୍ବନ କରିବାକୁ ପରାମର୍ଶ ଦେଇଛି ପାଣିପାଗ ବିଭାଗ । ପରବର୍ତ୍ତୀ ୩ ଦିନ ଯାଏଁ ଆଉ କୁହୁଡ଼ି ସମ୍ଭାବନା ନଥିବା ପାଣିପାଗ ବିଭାଗ ଅନୁମାନ କରୁଛି ।

   Related Posts