ମୟୂରଭଞ୍ଜ ୧୩/୧୦: ଭୁଲ ରାସ୍ତାରେ ଆସି ଫେରିବା ବେଳେ ଦୁର୍ଘଟଣା ଘଟାଇଲା ଟ୍ରକ୍ । ଦୁର୍ଘଟଣା ଘଟାଇବା ପରେ ଜଣାପଡିଲା ଯେ ଟ୍ରକରେ ରହିଛି ବିପୁଳ ପରିମାଣର ବିଦେଶୀ ମଦ । ମୟୂରଭଞ୍ଜ ଜିଲ୍ଲା ଉଦଳା ଥାନା ଉର୍ମଳ ଛକ ନିକଟରେ ଗତକାଲି ବିଳମ୍ବିତ ରାତିରେ ଏକ ସଡକ ଦୁର୍ଘଟଣା ହୋଇଥିଲା ।

ବାଲେଶ୍ବର ଜିଲ୍ଲା ସେରଗଡରୁ ମଦ ବୋଝେଇ କରି ଯଶିପୁର ଯାଉଥିବା ଏକ ଟ୍ରକ୍ ଭୁଲ ରାସ୍ତାରେ ପଶି ଆସିବା ବେଳେ ଦୁର୍ଘଟଣାଗ୍ରସ୍ତ ହୋଇଥିଲା । ସ୍ଥାନୀୟ ଲୋକେ ଟ୍ରକ ଭିତରୁ ଡ୍ରାଇଭରକୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ । ଏହା ପରେ ଘଟଣାସ୍ଥଳରେ ଉଦଳା ପୋଲିସ୍ ପହଞ୍ଚିଥିଲା । ଏହି ସମୟରେ ଟ୍ରକରୁ ପାଖାପାଖି ୩ ଶହ ପେଟି ବିଦେଶୀ ମଦ ଜବତ କରିଛି ପୋଲିସ ।ଦୁର୍ଘଟଣାଗ୍ରସ୍ତ ଟ୍ରକକୁ ଜବତ କରି ଥାନାକୁ ଆଣିଥିବା ବେଳେ ଗୁରୁତର ଡ୍ରାଇଭରକୁ ଉଦଳା ଡାକ୍ତରଖାନାରେ ଭର୍ତି କରାଯାଇଛି