ଭଦ୍ରକ, ୦୩/୧୧:  ଭଦ୍ରକ ଜ଼ିଲ୍ଲାର  ବିଭିନ୍ନ ଅଞ୍ଚଳରେ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣରେ ଦେଶୀ, ବିଦେଶୀ ମଦ ଜବତ କରାଯାଇଛି ।  ଏଥିରେ ସମ୍ପୃକ୍ତ ୧୧ ଜଣଙ୍କୁ ଗିରଫ କରିବା ସହ, ମଦ ଭର୍ତ୍ତି ଫ୍ରିଜ୍ ଓ ବାଇକ ଜବତ କରିଛି ଅବକାରୀ ବିଭାଗ ।

ଭଦ୍ରକ ଜ଼ିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଅବକାରୀ ବିଭାଗର ଆଇଆଇସି ଧନେଶ୍ୱର ବରାଡ଼ଙ୍କ ନେତୃତ୍ୱରେ ଏକ ଟିମ୍ ମଙ୍ଗଳବାର ବିଭିନ୍ନ ଅଞ୍ଚଳରେ ଚଢ଼ାଉ କରିଥିଲା । ଭଦ୍ରକ ଗ୍ରାମାଞ୍ଚଳ ଅଞ୍ଚଳର ଚରମ୍ପା, ନଛିପୁର, ମିର୍ଜାପୁର, ଚଢ଼େୟା ସହ ସହରାଞ୍ଚଳର ବଙ୍କସାହି ଓ ନରିପୁର ଅଞ୍ଚଳରେ ଚଢ଼ାଉ କରି ବିପୁଳ ପରିମାଣରେ ଦେଶୀ, ବିଦେଶୀ ମଦ ଜବତ କରାଯାଇଛି ।

ଏହି ଘଟଣାରେ ଅବକାରୀ ବିଭାଗ ୧୧ ଜଣଙ୍କୁ ଗିରଫ କରିବା ସହ ମଦ ଭର୍ତ୍ତି ଫ୍ରିଜ୍ ଓ ଏକ ବାଇକ ଜବତ କରିଛି । ହୋଇଥିବା ଦେଶୀ, ବିଦେଶୀ ମଦର ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ଅବକାରୀ ଆଇଆଇସି ସୂଚନା ଦେଇଛନ୍ତି ।