ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ବାଘମାରି ଥାନା ନିକଟ ବଡ଼ସାହିରେ ଦେଖିବାକୁ ମିଳିଛି ଏକ ଅଭାବନୀୟ ଦୃଶ୍ୟ। ପିଙ୍କି ବେହେରା ନାମକ ଜଣେ ମହିଳା ଅଶୋକ କୁମାର ଦାସଙ୍କ ଘର ସାମ୍ନାରେ ଧାରଣାରେ ବସିଛନ୍ତି। ପିଙ୍କିଙ୍କ କହିବା ମୁତାବକ ସେ ଅଶୋକ କୁମାର ଦାସଙ୍କୁ ବିଗତ ୭ବର୍ଷ ତଳେ ଅର୍ଥାତ୍ ୧୭.୦୨.୨୦୧୬ ରେ ନୟାଗଡ଼ ସ୍ଥିତ କୌଣସି ଏକ କାଳୀ ମନ୍ଦିରରେ ବିବାହ କରିଥିଲେ ଏବଂ ଭୁବନେଶ୍ବର ନୟାପଲ୍ଲୀରେ ଯାଇରହୁଥିଲେ । କିନ୍ତୁ ଜୁନ ମାସ ୧୩ ତାରିଖ ଠାରୁ ସେ କାହାକୁ କିଛି ନକହି କେଉଁ ଆଡେ ଚାଲିଯାଇଥିଲେ।
ଦୁଇ ଚାରିଦିନ ଖୋଜାଖୋଜି କରିବାପରେ ଖାରବେଳ ନଗର ଥାନାରେ ନିଖୋଜ ହୋଇଯିବାର ଏକ ଏତଲା ଦେଇଥିଲେ ଏବଂ କିଛିଦିନ ପରେ ପିଙ୍କି ଖବର ପାଇଥିଲେ ଯେ ତାଙ୍କ ସ୍ଵାମୀ ନିଜ ଘର ବାଘମାରିରେ ରହୁଛନ୍ତି । ତତ୍ପରେ ସେ ବାଘମାରି ଆସି ଘରଲୋକମାନଙ୍କୁ ପଚରା ଉଚରା କରିବା ପରେ କିଛି ଜାଣିନାହାନ୍ତି ବୋଲି କହିଥିଲେ। ତେଣୁ ଆଜିଠାରୁ ନ୍ୟାୟ ନ ମିଳିବା ପର୍ଯ୍ୟନ୍ତ ଏହିଠାରେ ଧାରଣାରେ ବସିବେ ବୋଲି ପିଙ୍କି କହିଛନ୍ତି।
