ସାନଖେମୁଣ୍ଡି ୬।୩: ବନ୍ଦ ଘରୁ ମିଳିଲା ସ୍ତ୍ରୀଙ୍କ ମୃତଦେହ । ସ୍ବାମୀ ଗୁରୁତର ହୋଇଛନ୍ତି । ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ଡେଙ୍ଗାଡି ଗାଁରେ ଘଟିଛି ଏଭଳି ଅଭାବନୀୟ ଘଟଣା । ମୃତକ ହେଲେ ଶୈଳେନ୍ଦ୍ରୀ ମହାନ୍ତି । ଗୁରୁତର ସ୍ବାମୀ ହେଲେ ଜୟସେନ ମହାନ୍ତି ।

ସୂଚନାଯୋଗ୍ୟ ଯେ, ଉଭୟ ଦମ୍ପତ୍ତି ଶିକ୍ଷକ-ଶିକ୍ଷୟିତ୍ରୀ ଭାବେ କାମ କରୁଥିଲେ । ଜୟସେନ କାଚଖଣ୍ଡି ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକ ଥିବା ବେଳେ ସ୍ତ୍ରୀ ଶୈଳେନ୍ଦ୍ରୀ ଜିଲ୍ଲା ବାହାରେ ଶିକ୍ଷକତା କରନ୍ତି । ବନ୍ଦ ଘରୁ ସ୍ତ୍ରୀଙ୍କ ମୃତଦେହ ମିଳିଥିବା ବେଳେ ସ୍ବାମୀ ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ସ୍ବାମୀଙ୍କୁ ବ୍ରହ୍ମପୁର ଏମକେସିଜିକୁ ସ୍ଥାନାନ୍ତର କରାଯାଇଛି । ଉଭୟ ସ୍ବାମୀ-ସ୍ତ୍ରୀ ଏଭଳି ଆତ୍ମହତ୍ୟା ଉଦ୍ୟମ କରିବାର କାରଣ ଜଣାପଡିନଥିବା ବେଳେ ଅନଲାଇନ୍ ମନି ଗେମ୍‌କୁ ନେଇ ଘଟଣା ଘଟିଥିବା ଚର୍ଚ୍ଚା ହେଉଛି ।