ନୀଳଗିରି ୧୦।୨: ସ୍ତ୍ରୀର ଚରିତ୍ରକୁ ସନ୍ଦେହ କରି ପିଟିପିଟି ମାରିଦେଲା ମଦ୍ୟପ ସ୍ବାମୀ । ବାଲେଶ୍ଵର ଜିଲ୍ଲା ବରହମପୁର ଥାନା ଅନ୍ତର୍ଗତ ମାଟିଆଳି ପଂଚାୟତ ଗୋବିନ୍ଦ ପୁରା ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା । ଗତକାଲି ରାତିରେ ଏଭଳି ଘଟଣା ଘଟିଥିବା ସୂଚନା ମିଳିଛି । ଆଜି ସକାଳେ ଘଟଣା ଜଣାପଡିବା ପରେ ବରହମପୁର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି । ମୃତ ସ୍ତ୍ରୀ ସମ୍ବାରି ସିଂ । ଅଭିଯୁକ୍ତ ସ୍ବାମୀ ରବୀନ୍ଦ୍ର ସିଂଙ୍କୁ ଅଟକ ରଖିଛି ପୋଲିସ ।