ସାମାନ୍ୟ କଥାକୁ ନେଇ ସ୍ତ୍ରୀକୁ ହତ୍ୟା କରିଛି ସ୍ୱାମୀ … ଖାଲି ସ୍ତ୍ରୀ ନୁହେଁ ଝିଅକୁ ମରଣାନ୍ତକ ଆକ୍ରମଣ କରିଛି ଅଭିଯୁକ୍ତ … ଗୁରୁତର ଝିଅ ଏସସିବି ରେ ମୃତ୍ୟୁ ସହ ଲଢେଇ କରୁଛି …
ଖବରଟି ଆସିଛି ବାଲିପାଟଣା କଣ୍ଟାସାହି ଗାଁରୁ … ସ୍ୱାମୀ ସ୍ତ୍ରୀ ଦୁଇ ପିଲାଙ୍କୁ ନେଇ ବାମଦେବଙ୍କ ସଂସାର … ଠିକାଦାରୀ କରି ପରିବାର ଚଳାଉଥିଲେ ବାମଦେବ … କିଛି ବର୍ଷ ପରେ କାମ ଭଲରେ ଚାଲୁନଥିବା ବେଳେ ଆର୍ଥିକ ଅନାଟନ ଦେଇ ଗତି କରୁଥିଲା ବାମଦେବଙ୍କ ପରିବାର … ତାପରେ ଆରମ୍ଭ ହୋଇଥିଲା ସ୍ତ୍ରୀଙ୍କ ସହ ମତାନ୍ତର … ଅନେକ ଥର ଝଗଡା ହୋଇଛି କିନ୍ତୁ ସମାଧାନ ମଧ୍ୟ ହୋଇଛି … କିନ୍ତୁ ଶନିବାର ସନ୍ଧ୍ୟା ୫ଟାରେ କୌଣସି କାରଣରୁ ସ୍ତ୍ରୀଙ୍କ ସହ ଝଗଡା ହୋଇଥିଲା … ଏଥିରେ ଉତକ୍ଷିପ୍ତ ହୋଇ ସ୍ତ୍ରୀକୁ ଆକ୍ରମଣ କରିଥିଲେ ବାମଦେବ … ଜୀବନ ଭୟରେ ଦଉଡି ପଳାଇଥିଲେ ସ୍ତ୍ରୀ … ହେଲେ ରାଗରେ ଅନ୍ଧ ସ୍ୱାମୀ ଗୋଡ଼ାଇ ଗୋଡ଼ାଇ ସ୍ତ୍ରୀଙ୍କ ମୁଣ୍ଡକୁ ଚୋଟ ପରେ ଚୋଟ ମାରିଥିଲା … ଝିଅ ବାପାକୁ ଅଟକାଇବାକୁ ଚେଷ୍ଟା କରିଥିବା ବେଳେ ଝିଅକୁ ମଧ୍ୟ କଟୁରୀରେ ଆକ୍ରମଣ କରିଥିଲା ବାପା … ପାଟି ଶୁଣି ପଡୋଶୀ ଆସି ମା ଓ ଝିଅକୁ ଡାକ୍ତରଖାନାରେ ଭର୍ତ୍ତି କରିଥିଲେ … ତେବେ ଡାକ୍ତରଖାନାରେ ସ୍ତ୍ରୀର ମୃତ୍ୟୁ ହୋଇଥିବା ବେଳେ ଝିଅ ଜୀବନ ସହ ସଂଗ୍ରାମ କରୁଛି …