vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେନିସକୁ ଅଲବିଦା କହିଥାନ୍ତେ ରାଫେଲ ନାଦାଲ ! କିନ୍ତୁ…
  • ||
  • ଖୋର୍ଦ୍ଧା : ରାସ୍ତାକଡ଼କୁ ଖସିଲା ‘ଲିଙ୍ଗରାଜ’, ବସ୍‌ରେ ଥିଲେ ୨୦ରୁ ଅଧିକ ଯାତ୍ରୀ…
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୩୪୬ କୋଭିଡ୍ ପଜିଟିଭ୍
  • ||
  • ଜୁଲାଇ ୫ରେ ମାଟ୍ରିକ୍‌ ରେଜଲ୍ଟ ! ସୋମବାର ହୋଇପାରେ ଘୋଷଣା
  • ||
  • ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ, ଶେଷଦିନରେ ନେତାଙ୍କୁ ଗୁରୁମନ୍ତ୍ର ଦେବେ ମୋଦୀ
  • ||
  • ସାମ୍ନାକୁ ଆସିଲେ କହ୍ନେୟାଲାଲ ହତ୍ୟାକାଣ୍ଡର ପ୍ରତ୍ୟକ୍ଷଦର୍ଶୀ, ବଖାଣିଲେ ଛାତିଥରା କାହାଣୀ
  • ||
  • ମୌସୁମୀକୁ ସକ୍ରିୟ କରିବ ଲଘୁଚାପ : ରବିବାର ଓ ସୋମବାର ଏହି ସବୁ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||

୨ଟି ପୁଅ ଓ ୨ଟି ଝିଅ ଥାଇ ମଧ୍ୟ ସ୍ତ୍ରୀର ପରକିଆ ପ୍ରୀତି, ରାସ୍ତାରୁ ହଟାଇବା ପାଇଁ ସ୍ୱାମୀକୁ ହତ୍ୟା କରିଥିବା ଅଭିଯୋଗ

23/06/2022 at 4:32 PM

ଜଟଣୀ, ୨୩।୦୬: ବାରଙ୍ଗ ଥାନା ଗୋଡିସାହି ଫାଣ୍ଡି ଅନ୍ତର୍ଗତ ବିଦ୍ୟାଧରପୁର ପାହାଡ ନିକଟ କାଜୁ ଜଙ୍ଗଲରୁ ପୋଲିସ ଜଣେ ଯୁବକଙ୍କ ମୃତଦେହ ଉଦ୍ଧାର କରିଛି । ମୃତକ ଜଟଣୀ ଥାନା ଅନ୍ତର୍ଗତ ନୂଆଗାଁ ଗାନ୍ଧି ନଗରର ଗୋପାଳ ନାୟକ । ବାହାହେବା ପରଠାରୁ ଗୋପାଳ ଶ୍ୱଶୁର ଘର ଗୟାଳବାଙ୍କରେ ରହୁଥିଲେ । ବାରଙ୍ଗ ପୋଲିସ ମୃତକଙ୍କ ଶବ ଜବତ କରି ସାଇଣ୍ଟିଫିକ ଟିମର ସହାୟତାରେ ତଦନ୍ତ କରୁଛି । ଉପଯୁକ୍ତ ନ୍ୟାୟ ପାଇବା ନେଇ ମୃତକଙ୍କ ପରିବାରବର୍ଗ ଦାବି କରିଛନ୍ତି ।

ପରକିଆ ପ୍ରୀତିକୁ ନେଇ ହତ୍ୟାକାଣ୍ଡ ହୋଇଥିବା ମୃତକଙ୍କ ପରିବାରବର୍ଗ ଅଭିଯୋଗ କରିଛନ୍ତି। ମୃତ ଗୋପାଳ ବାଆରା ସ୍ଥିତ ଏକ ଆଶ୍ରମରେ ସହାୟକ ରୁପେ କାର୍ଯ୍ୟ କରୁଥିଲେ । ଗୋପାଳ ମଙ୍ଗଳବାର କାମ କରିବାକୁ ଯାଇ ଆଉ ଘରକୁ ଫେରିନଥିଲେ । ତାଙ୍କର ବାଇକ ଗତକାଲି ବିଦ୍ୟାଧରପୁର ପାହାଡ ନିକଟସ୍ଥ କାଜୁ ଜଙ୍ଗଲରେ ପଡିଥିଲା। ପୋଲିସ ବାଇକକୁ ସନ୍ଧ୍ୟାରେ ଥାନାକୁ ନେଇଥିଲା । ବୁଧବାର ସକାଳୁ ବାରଙ୍ଗ ପୋଲିସ କାଜୁ ଜଙ୍ଗଲରେ ଖୋଜା ଖୋଜି କରିବା ପରେ ଗୋପାଳର ମୃତଦେହ ଏକ ବୁଦା ଭିତରେ ପଢିଥିବାର ପାଇଥିଲେ। ଖବର ପାଇ ଗୋପାଳର ଶ୍ୱଶୁର ଘର ଲୋକେ ଶବକୁ ଚିହ୍ନଟ କରିଥିଲେ।

ଗୋପାଳଙ୍କର ୨ଟି ଝିଅ ୨ଟି ପୁଅ ଥାଇ ମଧ୍ୟ ତାଙ୍କ ସ୍ତ୍ରୀର ଜଣେ ଯୁବକଙ୍କ ସହିତ ପରକିଆ ପ୍ରୀତି ରହିଥିଲା । ଯାହାକୁ ଗୋପାଳ ପ୍ରତିବାଦ କରୁଥିଲା । ଗତ ୧୫ ଦିନ ତଳେ ସ୍ତ୍ରୀ କେଉଁଆଡେ ଚାଲିଯାଇଥିବା ଗୋପାଳ ଥାନାରେ ଅଭିଯୋଗ କରିଥିଲେ। ଅଭିଯୋଗ ପରେ ଗୋପାଳକୁ ଫୋନ ଯୋଗେ ବାରମ୍ବାର ହତ୍ୟା ଧମକ ମିଳିଥିଲା । ଶବ ପଡିଥିବା ଘଟଣା ସ୍ଥଳରେ ଏକ ଲେଡିଜ୍‌ ଚପଲ ପଡିଥିବା ଦେଖି ଗୋପାଳଙ୍କ ଭଉଣୀ ଚପଲକୁ ଚିହ୍ନି ଏଇ ଚପଲ ଗୋପାଳଙ୍କ ସ୍ତ୍ରୀର ବୋଲି ପୋଲିସକୁ କହିଥିଲେ । ମୋ ଭାଇକୁ ଷଡଯନ୍ତ୍ର କରି ମାରି ଦିଆଯାଇଛି ବୋଲି ଅଭିଯୋଗ ହୋଇଛି । ଅନ୍ୟ ପକ୍ଷରେ ଗୋପାଳଙ୍କ ସ୍ତ୍ରୀର ଫୋନ ବନ୍ଦ ଥିବାରୁ ପରିବାର ଲୋକଙ୍କ ସନ୍ଦେହ ବଢିଛି ।

ତେବେ ଏ ନେଇ ବାରଙ୍ଗ ପୋଲିସର ତଦନ୍ତ ଜାରି ରହିଛି । ଶବ ବ୍ୟବଚ୍ଛେଦ ରିପୋର୍ଟ ଆସିଲା ପରେ ଗୋପାଳ ମୃତ୍ୟୁର କାରଣ ଜଣାପଡିବ ବୋଲି ପୋଲିସ କହିଛି । ଏପଟେ ମୃତକଙ୍କ ପରିବାରବର୍ଗ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ।

   Related Posts