ନୂଆଦିଲ୍ଲୀ,୨୬/୦୯ : ନିଜ ଫୁଟୁବଲର୍ ସ୍ୱାମୀଙ୍କୁ ହତ୍ୟା ପାଇଁ ଷଡଯନ୍ତ୍ର ରଚିବା ଅଭିଯୋଗରେ ସ୍ତ୍ରୀଙ୍କୁ ଗିରଫ କରାଯାଇଛି । ଫୁଟୁବଲର ଜଣଙ୍କ ବିବାହ ବିଚ୍ଛେଦ ମାମଲା କରିବା ପରେ ଉତକ୍ଷିପ୍ତ ହୋଇ ମହିଳାଜଣଙ୍କ ଏପରି ଜଘନ୍ୟକାଣ୍ଡ ଭିଆଇବାକୁ ଚେଷ୍ଟା କରିଥିଲେ ।
ସୂଚନାନୁସାରେ, ତୁର୍କୀର ପୂର୍ବତନ ଖେଳାଳି ଏମରେ ଆସିକ ତାଙ୍କ ପତ୍ନୀ ୟାଗମୁର୍ ଆସିକଙ୍କୁ ଛାଡପତ୍ର ଦେବାକୁ ଚାହୁଁଥିଲେ । ତେବେ ଏଥିରେ ରାଜି ନଥିଲେ ୟାଗମୁର୍ । ତେଣୁ ସେ ସ୍ୱାମୀ ଅର୍ଥାତ ଏମରେଙ୍କୁ ହତ୍ୟା କରିବା ପାଇଁ ଯୋଜନା ପ୍ରସ୍ତୁତ କରିଥିଲେ । ଏଥିପାଇଁ ସେ ଜଣେ ନିଜ ପ୍ରେମିକ ସୁଙ୍ଗୁରରଙ୍କୁ ସୁପାରି କିଲର ଭାବେ ବ୍ୟବହାର କରିବାକୁ ଚାହୁଁଥିଲେ । କିନ୍ତୁ ସୁଙ୍ଗୁର ଏପରି କରିବାକୁ ମନା କରିଦେଇଥିଲେ । ଫଳରେ ୟାଗମୁର ଜଣେ ସୁପାରି କିଲରକୁ ୧୦ ଲକ୍ଷ ପାଉଣ୍ଡ ପ୍ରଦାନ କରିଥିଲେ । ଆହୁରି ମଧ୍ୟ ସେ ସୁପାରି କିଲରକୁ ଅସ୍ତ୍ର ଓ ମୃତଦେହକୁ ପୋତିବା ସ୍ଥାନ ବାବଦରେ ମଧ୍ୟ କହିଥିଲେ ।
ତେବେ ୟାଗମୁରଙ୍କ ପ୍ରେମିକ ତଥା ସୁଙ୍ଗୁର ଏବାବଦରେ ଏମରେଙ୍କୁ ସବୁ କହିଦେଇଥିଲା । ଏମରେ ଏବାବଦରେ ପୋଲିସକୁ କହିଥିଲେ । ପୋଲି ୟାଗମୁର ଓ ତାଙ୍କ ପ୍ରେମିକ ସୁଙ୍ଗୁରଙ୍କୁ ଗିରଫ କରିଛି ।
