ମୁମ୍ଵାଇ ୧୩।୦୩: ବଲିଉଡ୍ର ଲୋକପ୍ରିୟ ଗାୟିକା ଶ୍ରେୟା ଘୋଷାଲ। ତାଙ୍କ ସ୍ୱରରେ ସମସ୍ତେ ପାଗଳ । ବର୍ତ୍ତମାନ ଶ୍ରେୟାଙ୍କୁ କୌଣସି ପରିଚୟ ଆବଶ୍ୟକତା ନାହିଁ । ତାଙ୍କ ଫ୍ୟାନ୍ସ ଫଲୋର୍ସ ଖୁବ୍ ଅଧିକା । ନିଜର ଯାଦୁଗରୀ ସ୍ୱରରେ ଅନେକ ଆଓ୍ଵାର୍ଡ ହାତେଇଛନ୍ତି । ଶ୍ରେୟା ଏମିତି କିଛି କୃତ୍ତିତ୍ୱ ହାସଲ କରିଛନ୍ତି। ଯେଉଁଥିପାଇଁ କେବଳ ଦେଶ ନୁହେଁ ଦେଶ ବାହାରେ ମଧ୍ୟ ପରିଚିତ। ତାଙ୍କ ଫ୍ୟାନ୍ସ ଲିଷ୍ଟରେ ଆମେରିକାର ଗର୍ଭନର ମଧ୍ୟ ସାମିଲ ରହିଛନ୍ତି ।
୨୬ ଜୁନରେ ଆମେରିକାରେ ଶ୍ରେୟା ଘୋଷାଲ ଡେ’ ପାଳନ କରାଯାଏ । ଏହି ଦିନ ଶ୍ରେୟାଙ୍କ ନାମରେ ସମର୍ପିତ ରହିଥାଏ । ୨୦୧୦ରେ ଶ୍ରେୟା ଆମେରିକାର ଓହିୟୋକୁ ଯାଇଥିଲେ । ସେଠିକାର ଗଭର୍ନର ଟେଡ୍ ଷ୍ଟ୍ରିକଲ୍ୟାଣ୍ଡ ୨୬ ଜୁନକୁ ଶ୍ରେୟା ଘୋଷାଲ ଡେ’ ପାଳନ କରିବାକୁ ପାଇଁ ଘୋଷଣା କରିଥିଲେ ।
ମାତ୍ର ୬ ବର୍ଷ ବୟସରେ ସଂଗୀତ ଶିକ୍ଷା ନେଇଥିବା ଶ୍ରେୟା ୧୬ ବର୍ଷ ବୟସରେ ମ୍ୟୁଜିକ ରିଆଲିଟି ଶୋ ସା ରେ ଗା ମା ର ୱିନର ହୋଇଥିଲେ । ୨୦୦୦ ମସିହାରେ ସଞ୍ଜୟ ଲୀଲା ଭନସାଲୀଙ୍କ ଫିଲ୍ମ ‘ଦେବଦାସ’ରେ ୫ଟି ଗୀତ ଗାଇ ଲୋକଙ୍କ ହୃଦୟରେ ରାଜ କରିଥିଲେ ଶ୍ରେୟା । ବଲିଉଡରେ ଅନେକ ଗାୟକ, ଗାୟିକା ଥିଲେ ମଧ୍ୟ ଶ୍ରେୟାଙ୍କର ଏକ ସ୍ୱତନ୍ତ୍ରସ୍ଥାନ ରହିଛି । ଶ୍ରେୟା ପ୍ରତି ଗୀତ ପାଇଁ ୨୫ ରୁ ୨୭ ଲକ୍ଷ ଟଙ୍କା ଆଦାୟ କରନ୍ତି।
ଶ୍ରେୟା ତାଙ୍କ ପିଲାଦିନର ବନ୍ଧୁ ଶିଲାଦିତ୍ୟ ମୁଖୋପାଧ୍ୟାୟଙ୍କୁ ୨୦୧୫ ରେ ବିବାହ କରିଥିଲେ। ବିବାହ ପୂର୍ବରୁ ଦୁହେଁ ପ୍ରାୟ ୧୦ ବର୍ଷ ଧରି ପରସ୍ପରକୁ ଡେଟ କରିଥିଲେ। ପରେ ବିବାହ କରିବା ପାଇଁ ନିଷ୍ପତ୍ତି ନେଇଥିଲେ। ବିବାହର ୫ ବର୍ଷ ପରେ ଏକ ପୁଅ ଜନ୍ମ ହୋଇଥିଲା । ସେ ସୋସିଆଲ ମିଡିଆରେ ତାଙ୍କର ଏବଂ ତାଙ୍କ ପୁଅର ଖୁବ୍ ଫଟୋ ସେୟାର କରନ୍ତି।
